दमक/
डा. भगवान कोईरालाको सपना छ नेपालका सातै प्रदेशमा एक/एक वटा बिशिष्टिकृत स्तरको बाल अस्पताल स्थापना गर्ने ।
मोफसलका नागरिकहरु बालबालिकाको उपचार गर्न भन्दै काठमाडौ र नेपाल बाहिर जाने समस्याको अन्त्य गर्न उहाँले यो सपना देख्नु भएको हो ।
सोहि सपना पुरा हुने क्रम सुरु भएको छ । दमकको रेडक्रस भवनमै बनेको कि ओच बाल अस्पताल आजबाट सञ्चालनमा आएसँगै डा. भगवानको सपनाले सार्थकता पाउन थालेको हो ।
ओपिडीको सेवाबाट अस्पतालकोे काम प्रारम्भ भएको छ । अस्पतालको सेवाको बारेमा आम जनमानसमा जानकारी गराउने उद्धेस्यले आजबाट निशुल्क बृहत स्वास्थ्य शिविर गरिएको छ ।
यो शिविरमा मुटु र बालबालिकाका सबै खाले रोगको उपचार र परिक्षण गरिनुका साथै निशुल्क औषधि समेत उपलब्ध गराइएको थियो ।
तीन दिन सम्म चल्ने शिविरमा डा. भगवानका साथमा अन्य बरिष्ठ डाक्टरहरुको उपस्थिती रहेको छ ।
जुन स्तरको सेवा आज शिविरमा आउनेहरुले लिनु भयो सोहि स्तरको सेवा यो अस्पतले सञ्चालन गर्ने जनाइएको छ ।
पहिलो दिनको शिविरमा १ सय ६३ जना बालबालिकाले विभिन्न रोगको परिक्षण गराएका थीए भने १ सय ६७ जना जुनसुकै उमेर समुहका नागरिकहरुले आफ्नो मुटुको अवस्थाको बारेमा परिक्षण गराएका थीए ।
शिविरमा आउनेहरुकालागि बालबालिकाको हकमा ओपिडी, इसिजी, ल्याव र इकोको सेवा प्रदान गरिएको थियो भने मुटुका बिरामीहरुकालागि ओपिडि, इसिजी र इकोको सेवा दिइएको थियो । साथै बिरामीहरुलाई आवश्यक पर्ने औषधि पनि निशुल्क प्रदान गरिएको अस्पतालले जनाएको छ ।
उपचार गराउन आएका अधिकांश बालबालिकाहरुमा मुटु सम्बन्धीको समस्या देखीएको र तत्कालै २० जनालाई शल्यकृयानै गर्नु पर्ने गरिको अवस्था रहेको उपचारमा संलग्न चिकित्सकले बताएको कुरा रेडक्रस दमकका पूर्व सभापति लिला गुरागाईले उज्यालो खवरलाई जानकारी दिनुभयो ।
ती बिरामीहरुलाई काठमाडौमा बोलाइएको र उनीहरुको सबैको निशुल्क सल्यकृया गरिने बताइएको छ ।
शिविर मंगलबार सम्म सञ्चालन हुने छ ।
