दमक/
झापाको दमक ५ बेलडाँगी रोडमा रहेको ओम शान्त्ती डेण्टल हस्पिटल निशुल्क स्वास्थ्य शिविरमा क्रियसिल बनीरहेको छ ।
पछिल्लो समय जिल्लाको कमल गाउँपालिकाका विभिन्न गाउँ गाउँमा गएर शिविर गरिरहेको छ । खासगरि सामुदायीक विद्यालयमा अध्ययन गर्ने बालबालिकाहरुको दाँतको परिक्षण गरिएको हस्पिटलका व्यवस्थापक कमल गेरैले जानकारी दिनुभयो ।
सामुदायीक विद्यालयमा अध्ययन गर्ने विद्यार्थीहरुको दाँतमा समस्या हुँदा पनि जटिल नभए सम्म चिकित्सकलाई नदेखाउने ,दाँतलाई कसरी स्वस्थ राख्न सकिन्छ भन्ने कुराको सामान्य ज्ञान पनि अभिभावकमा नरहेको स्थिती देखिएको शिविरमा सहभागी डेण्टल सर्जन डा. स्मारक दाहालले बताउनु भयो ।
यसै क्रममा आज कमल गाउँपाकिलाको मंगलमय माविमा शिविर सम्पन्न भएको छ । शिवरमा ६ सय बढि विद्यार्थीले दन्त परिक्षण गराएका छन् । यस मध्ये २७ जना विद्यार्थीको दाँत खोल्नुका साथै अन्य चिकित्सयकीय सेवा प्रदान गरिएको शिविरमा सहभागी डा. डा. संगिता राईले जानकारी दिनुभयो ।
यो शिविरबाट अधिकांश विप्पन्न तथा गरिवका छोराछोरीले निशुल्क दन्त परिक्षण पाएको र दाँतको हेरचाह कसरी गर्ने भन्ने सम्बन्धीको परामर्ष पाएको अस्पतालका सञ्चालक डा. सिपि गैरेले बताउनु भयो ।
‘यो शिविर हामी आगामी १९ गते सम्म कमल गाउँपालिकाकामा रहेका सामुदायीक विद्यालयहरुमा गरिरहने छौ ।’डा गैरेले उज्यालो खवरसँग कुराकानी गर्दै भन्नु भयो ‘यस पछि पनि हामी सहज स्वास्थ्य पहुँच नभएका गाउँ र बस्तिमा पुगेर निशुल्क दन्त सेवा दिनेछौ ।’
