दमक/
यदि तपाईको कपाल पातालो छ वा झरेर ताक्लनु हुँदा आफुमा हिन्नता बोध आएको छ भने अव दमकमै यसको निराकरण निस्केको छ । त्यो हो कपाल प्रत्यारोपण गर्ने ।
कतिपयले टाउकोको आफ्नो खाली भागमा नक्कली कपाल लगाएर छोप्ने गरेको पनि देखिन्छ । अव भने त्यो समस्या टरेको छ । दमकमै अत्याधुनिक प्रविधिको प्रयोग गरेर कपाल प्रत्यारोपण गर्ने सेवा सुरु भएको छ ।
कपाल प्रत्यारोपण गर्ने भनेको कपाल नभएको ठाउँमा कपाल उमार्नु हो । दमकको जि वान क्लिनिकका सञ्चालक समेत रहनु भएका ड्रिमोलोजिष्ट डा. गुरु पौडेलका अनुसार अव यहीबाट कपाल प्रत्यारोपण गर्न सकिने छ ।
अव कपाल उमार्ने ठाउँमा कुनैपनि खत नराखी हेर्दा प्राकृतिक अवस्थाको झै हुने गरि यहाँ कपाल प्रत्यारोपण गरिने उपकरणको प्रबन्ध गरिएको डा. पौडेलले उज्यालो खवरसँगको कुराकानीमा बताउनु भयो ।
पछिल्लो समय विभिन्न ४० वर्ष भन्दा माथी उमेर पुगेका पुरुषहरुको टाउँकोबाट कपाल झर्ने समस्या देखिरहेको छ । तर यो उमेरको मात्रै दोष नभएर बंशाणुगत कारणले पनि हुन सक्ने उहाँको भनाई छ ।
‘कपाल प्रत्यारोपण गरेपछि त्यो एक पटक झर्ने र त्यसपछि झरेको ठाउँमा विस्तारै कपाल पलाउन थाल्ने अनी यो क्रम करिव १ वर्ष सम्म निरन्तर चलेपछि अन्य कपालकै तुलनामा यो पनि बढ्ने छ ।’ डा. पौडेलको प्रष्टोक्ति छ ।
भिडियोमा हेरौ ।
