दमक, मंसिर २२
झापाको दमक ५ स्थित भृकुटी चोकमा रहेको लाइफलाइन अस्पताल स्वास्थ्य विज्ञान प्रतिष्ठानले याहँ अध्ययन गरेर विदा हुने विद्यार्थीको बिदाई र नयाँ विद्यार्थीको स्वागत गरेको छ ।
भव्य सांंगीतिक उत्सवसहित शुक्रबार आयोजना गरिएको कार्यक्रम त्यहाँ सञ्चालन भइरहेका कक्षाहरु अध्ययन सकेर पास आउट भएका विद्यार्थीहरुको औपचारिक विदाई गरिएको हो ।
त्यहाँ सिकेको सीप र ज्ञानलाई आफ्नो भविष्य निर्माणको प्रमुख आधार बनाउन सक्ने शुभकामना व्यक्त गर्दै पास आउट भएका विद्यार्थीलाई मायाको चिनो प्रदान गर्दै एक अर्का बिच न्यानो स्नेह बढाएर बिदाइ गरिएको छ ।
बिदाई हुने विद्यार्थीहरुले पनि त्यहाँ पढेको पढाईलाई आफ्नो भविष्य निर्माणको प्रमुख आधार बनाउने प्रतिवद्धता सहित छुट्टिनु परेकोमा मन कुढ्याँउँदै बिदाई भएका छन् । सँगैका साथीहरुबीचको आत्मियता, प्रतिष्ठानका प्राध्यापकहरुको माया, अस्पतालका चिकित्सक तथा अन्य माथिल्लो ओहोदामा रहेकाहरुको सम्मान सहित विद्यार्थी विदाई गरिएको थियो ।
स्वास्थ्य क्षेत्रमा दक्ष प्राविधिक जनशक्ति उत्पादन गर्न स्थापित संस्थाले हजारौं जनशक्ति उत्पादन गरेको र उत्पादित जनशक्ति देश तथा विदेशका बिभिन्न नाम चलेका अस्पतालहरुमा काम गरिरहेका छन् । कोही आफंै फार्मेसी खोलेर त कोही सरकारी कोटामा नाम निकालेर पनि सेवा गरिरहेका छन् । जही बिक्ने, सबैले पत्याउने, सबैको विश्वासको आधारनै यस क्षेत्रका प्राविधिक जनशक्ति रहेकोले विद्यार्थीहरुको भविष्य उज्वल बन्ने अस्पतालका संस्थापक सञ्चालक बालचन्द्र सुब्बाले कार्यक्रममा उल्लेख गर्नुभयो ।
कसैले गीत गाएर यहाँ रमाइरहेका थिए । मञ्चमा गीत गाउन साथी उक्लदादेखि गाउन्जेल सम्मै दर्शक दीर्घामा रहेका अन्य साथीहरुको बेजोड हुटिङले यूवाको जोश र जागरलाई प्रष्ट झल्काइरहेको थियो ।
बिच बिचमा विद्यार्थीहरुको नृत्यले माहोललाई निकै रमाइलो त बनाएको थियो नै अझ बिचमा प्रतिष्ठानमा पढाउने प्राध्यापकहरुको यूगल नृत्यले सबैको ध्यान तान्न सफल भएको थियो । यसरी निकै उल्लास र मनोरञ्जन सहित प्रतिष्ठानबाट कोही सुन्दर भविष्य बनाउने संकल्पका साथ बाहिरी रहेका थिए भने कोही भविष्यको आशाको रेखा कोर्दै प्रतिष्ठान प्रवेश गरिरहेका थिए । विद्यार्थीहरुलाई अस्पतालका सञ्चालक, व्यवस्थापक साथै प्रतिष्ठानका सबै संकायका प्राध्यापकहरुले स्वागत गरेका थिए ।
https://www.facebook.com/share/v/19YAVsugzY/
