महोत्तरी, पुष ३
गत असोज २२ गते मंगलबारकाला दिन । महोत्तरीको बर्दिबासमा रहेको टुटेश्वर । यही ठाउँका एक यूवा र यूवती बिच प्रेमलाई विवाहमा रुपान्तरण गर्ने भन्नेबारेमा कुराकानी हुन्छ । तर प्रेमीले विवाहको प्रस्तावप गरेपछि प्रेमीकाले त्यो स्विकार गर्दिनन ।
अनी ती प्रेमीले सगै हिडीरहेकी प्रेमीकाको घाँटीमा डोरीले कसी हत्या गरिदिन्छन । यो घटना सुन्दा कुनै फिल्मको कथा जस्तो लागेपनि घटना सत्य हो । घटनाका प्रेमी भनिएका सर्लाहीको चक्रघाटा गाउँपालिका ९ का मन्दिपकुमार यादवले आफ्नै प्रेमीका अनु रायको हत्या गरेका हुन ।
हत्यापछि फरार भएका यादवलाई प्रहरीले पक्राउ गरेपछि घटनाको रहस्य बाहिर आएको हो । पक्राउ परेका यादवलाई मंगलबार महोत्तरी जिल्ला अदालतबाट कर्तव्य ज्यान मुद्दामा ७ दिनको म्याद थप गरी अनुसन्धान गरिरहेको जिल्ला प्रहरी कार्यालय महोत्तरीले जनाएको छ ।
महोत्तरीको बर्दिवास नगरपालिका–५ स्थित टुटेश्वर जंगलमा गत २३ असोजमा २३ वर्षीया अनु रायको शव फेला परेको थियो ।
