दमक, पुस १०
योग तथा ध्यान मानिसकालागि दैनिक आवश्यक पक्ष हुन् । परापुर्वकालमा ऋषी महर्षीहरुले योग साधना र ध्यानलाई मानिसको अभिन्न अंग बनाएका थिए । अहिले पर्यावरणमाथि चौतर्फी प्रदुषण बढेको अवस्थामा मानिस स्वस्थ रहन योगसाधनको महत्व अझ बढेको कुरालाई झापाको दमकमा जोड दिँदै आएको देखिन्छ ।
ठाउँ ठाउँ योग अभ्यास भइरहेको अवस्थामा योगलाई अझ विस्तार गर्न तथा प्रशिक्षक तयार गर्न पतञ्जली योग समिति दमकले १५ दिने सहायक प्रशिक्षक प्रशिक्षण कार्यक्रम आयोजन गर्यो । जहाँ २६ वटा योग साधना संस्थाहरुको सहभागिताको प्रशिक्षण कार्यक्रमले नगरलाई एउटा फरक सन्देश दिने देखिएपछि नगरपालिकाले पनि यसको अपनत्व ग्रहण गर्ने र योग क्षेत्रलाई प्रोत्साहित गर्ने सोच बनाउँदैछ ।
कार्यक्रममा प्रमुख अतिथि पतञ्जली योग नेपालका केन्द्रीय सदस्य लोकनाथ खनालले योगलाई आध्यात्मसँग समेत जोडेर व्याख्या गर्दै मानव कल्याणका लागि योग र ध्यान आवश्यक रहेको चर्चा गर्नुभयो ।
प्रशिक्षण कार्यक्रमका विशेष अतिथिका रुपमा उपस्थित दमक नगर प्रमुख रामकुमार थापाले नगरवासीलाई स्वस्थ्य बनाउने काममा योगदान दिएको योग क्षेत्रको नगरले प्रवद्र्धन गर्ने बताउनु भयो । उहाँले भन्नुभयो ‘अहिले मान्छे रोगी बन्दै गएपछि सबैका लागि योग झनै अनिवार्य बनेको छ । यही यसमा योगसाधनमा लागेका संस्थाहरुले निकै सह्रानीय काम गरिरहेका छन् । १ वर्षभित्रमा नगरले नगरमा योग सम्मेलन गराउने छ । अनि नगरलाई योगनगरका रुपमा घोषणा गरिने छ ।’
अर्गानिक साधना केन्द्रको प्रथम बार्षिकोत्सवको सन्दर्भ समेत जोडेर दमक ८ आयोजना भएको कार्यक्रममा नगर उपप्रमुख रेगिना भट्टराई प्रसाईंले आफूले नै आफूलाई स्वस्थ राखेर खुसी हुने योग अभियान आजको आवश्यकता भएको औंल्याउनु भयो ।
नेपाली कांग्रेसका दमक नगर सभापति प्रकाश प्रसाईंले सबैको अस्तित्व स्वीकार्दै योगसाधनाबाट स्वस्थ बन्न आवश्यकता रहेको जनाउनु भयो ।
यसैगरी कार्यक्रममा शुभकामना मन्तव्य राख्दै नेकपा एमाले दमक नगर अध्यक्ष राम पौडेलले मानिसलाई स्वस्थ रहनका लागि २६,२७ ठाउँमा निःशुल्क शिविर सञ्चालन गरिएकोप्रति सह्राहना गर्नुभयो ।
कोशी प्रदेश सदस्य मीना कोइराला, दमक ६ का अध्यक्ष टेकबहादुर थापा, दमक ८ का वडाअध्यक्ष धर्मप्रसाद दाहाल दिपेश,दमक उद्योग वाणिज्य संघका अध्यक्ष देवीप्रसाद गुरागाईं गोपालसहितको आतिथ्यता रहेको थियो ।
पतञ्जली योग दमक नगर समिति अध्यक्ष दुर्गा भण्डारीको अध्यक्षताको कार्यक्रममा कार्यक्रममा कार्यक्रममा, पतञ्जल योग समिति नगर महिला अध्यक्ष उमा पाठक, अर्गानिक साधना केन्द्रका उमेश घिमिरेसहितले योग सम्बन्धीको अनुभवनसहितका धारणा राख्नुभयो । त्यहाँ भजनसहितका योगशैलीका नृत्यहरु समेत प्रस्तुत भएका थिए ।
