दमक, २५ जेठ । झापाको दमकमा जारी प्रथम दमक जुत्ता चप्पल मेलामा उपभोक्ताको भिड बढ्दै गएको छ । गत जेठ १५ गतेदेखी जारी मेलामा पछिल्लो समय उपभोक्ताको आकर्षण बढ्दै गएको हो ।
मेलामा स्वदेशी ब्राण्डका जुत्ता चप्पलहरु १५ देखी ५० प्रतिशतसम्म छुटमा पाइने भएपछि उपभोक्ताहरुको उक्त मेलामा भिड बढ्दै गएको हो ।
दमकमा जारी प्रथम दमक जुत्ता चप्पल मेलामा उपभोक्ताको आकर्षण बढ्दै गएको छ । दमक ८ स्थित अर्गानिक कृषि भवनको खाली हलमा गत जेठ १५ गतेबाट सुरु भएको प्रथम दमक जुत्ता चप्पल मेलामा दमकसहित आसपासका पालिकाहरुबाट उपभोक्ताहरु आउन थालेका छन् ।
भारी छुटका साथ गुणस्तरीय सामान पाइने भएपछि उपभोक्ताहरु यो मेलाप्रति आकर्षित भएका हुन् । मेलामा ६ वटा बिभिन्न ब्राण्डका जुत्ता चप्पलहरु राखिएको छ ।
बिहान ९ बजेदेखी राति ९ बजेसम्म सञ्चालन हुँदै आएको मेलामा आएका उपभोक्ताहरु मेलामा नसोचेको छुट पाएको बताउँछन् । मोरङको लक्ष्मीमार्गबाट आउँनुभएका एकजना उपभोक्ता यो मेलामा स्वदेशी उत्पादन त्यो पनि सस्तो मूल्यमा पाईने रहेछ भन्दै आफ्ना छरछिमेकमा पनि खबर गर्ने सुनाउँनुहुन्छ ।
स्वदेशी उत्पादनलाई प्रबद्र्धन गर्ने उदेश्यले आयोजना गरिएको मेलामा उपभोक्ताहरु निराश हुनुपर्ने अवस्था नरहने स्वयम उपभोक्ताहरुलेनै बताउँने गरेका छन् । पछिल्लो समय मेलामा बिभिन्न उमेर समुहका उपभोक्ताको भिड बढ्दो क्रममा रहेको छ ।
मेलामा स्टल राखिएका कम्पनीले स्टक सक्ने किसिमले पुराना जुत्ता चप्पल नराखिएको बताएका छन् । भर्खरै उत्पादन भएका ताजा जुत्ता चप्पलनै स्टलमा राखिएको स्टलका सञ्चालहरुको भनाइ छ । मेलाको बिशेष आकर्षण भनेकै हरेक जुत्ता चप्पलमा १५ देखी ५० प्रतिशतसम्म छुट रहेको मेलाका व्यवस्थापक मात्रिका नेपालले जानकारी दिनुभयो ।
स्वदेशी उत्पादनलाई प्रबद्र्धन गर्न यस्ता प्रकारका मेला उपयोगी हुने दमकका सामाजिक व्याक्तित्व तथा डाईनामिक पब्लिक लाईब्रेरीका संस्थापक अध्यक्ष भेषराज न्यौपानेको भनाइ छ ।
स्वदेशी उत्पादनका बारेमा आम उपभोक्तालाई स्थलगत अवलोकन गराई आफ्ना उत्पादनका बारेमा जानकारी गराउने उदेश्यले मेला आयोजना गरिएको जनाईएको छ । करिब एक महिनासम्म सन्चालन हुने मेलामा १ करोड ५० लाख रुपैयाँको कारोबार हुने अपेक्षा गरिएको छ ।
मेलामा बिएफ डियरहिल सुज, फर्स्ट वाक सुज, रन सुज, स्मार्ट सुज, सु ल्याण्ड सुज, क्रसरोड ब्राण्डका जुत्ता, चप्पल तथा छालाबाट उत्पादित सामाग्री उपलब्ध रहेका छन् । दमकमा जारी जुत्ता चप्पल मेलामा स्थानीयहरुले रोजगारी समेत पाएका छन् ।
