दमक, ३१ जेठ/ आउँदो साउन १ देखि ७ गतेसम्म झापाको दमक ३ स्थित भुटानी शरणार्थी शिविर बेलडाँगी र अमेरिकामा एकैसाथ ’विश्व शान्ति ज्ञानमहायज्ञ २०२५’ हुने भएको छ ।
विश्व भुटानी हिन्दू संगठन र सनातन हिन्दू समाज बेलडाँगीको संयुक्त पहलमा सम्पूर्ण भूटानीहरुलाई सहभागी गराइ भूटानी आन्दोलनमा ज्यान गुमाएका सहिद ,बेपत्ता र शिविरमा अकालमा मृत्युवरण गरेकाहरुको सम्मान र श्रद्धा अर्पण गर्दै शान्तिको कामनामा महायज्ञ हुने भएको हो । सबै ठाउँमा जहाँ जहाँ भुटानीहरु पुगेका छन् ती देश र माटोलाई पनि सम्मान स्वरुप अनुष्ठानको आयोजना भएको बेलडाँगीका दिल भुटानीले जनाउनु भयो ।
यसै उद्धेश्यलाई पुरा गर्न अमेरिकाबाट हाल नेपाल आउनु भएका विश्व भुटानी हिन्दु संगठनका अध्यक्ष कमल धिमाल खल्तिपीडितसहितको टोलीले स्थानीयसंग छलफल गरेको छ । यसक्रममा टोलीले बेलडाँगीका साथै मोरङको पथरी शनिश्चरे शिविरमा भेटघाट गरेको छ ।
संगठनका अध्यक्ष खल्तिपीडितको अगुवाईमा अमेरिकामा सांस्कृतिक धाम निर्माणको अभियान अघि बढेको छ ।
