दमक, ५, असार । प्राकृतिक तथा सामाजिक विविधता र संस्कृतिका गहिरा कथाहरुलाई एउटै पानामा विस्तृत रुपमा उतार्न सक्ने कला चित्रकारिता हो । तर, पर्याप्त ज्ञान र प्रचारको अभाबले गर्दा नेपाली समाजमा चित्रकलामा भविष्य हुदैँन भन्नेको संङ्ख्या पनि बढ्दै गईरहेको छ ।
तर चित्रकलाको प्रवद्धन गरी यसको महत्व बुझाउन र कलाको सम्मान गर्ने उद्धेश्यको साथ दमक नगरपालिका वडा नं ६ मा विविधतामा एकता शिर्षकमा चित्रकला प्रतियोगिता कार्यक्रम सम्पन्न भयो ।
विद्यालय र कक्षा काठामा मात्रै सिमित रहेको चित्रकला प्रतियोगीता त्यस देखि बाहिर पनि देखाउन पाउँदा विद्यार्थीहरु उत्साहीत देखिन्थे । सबैजना आ आफ्नो कल्पनाको चीत्र कोर्न आवश्यक पर्ने सामाग्रीहरु पेन्सिल , पेपर तथा विभिन्न रङ्गका पेन्सिलहरु पनि साथमै लिएर आएका थीए । यो दृष्य हो झापाको दमक नगरपालिका वडा नं ६ को कार्यक्रम हलको ।
यहाँ रहेका १२ वटा विद्यालयका १२ जना विद्यार्थीहरु आ आफ्नो कल्पनाको चीत्र कोरीरहेका थीए । करिव डेढ घण्टा लगाएर उनीहरुले एक एकवटा चीत्र पनि तयार पारे । सबैको चीत्रको मुल्यांकन चाहि दमकका चित्रकार अभिषेक दास र उमेश दाहालले गर्नु भएको थियो ।
उहाँहरुको मुल्यांकनमा प्रथम बन्नु भएकी दमक ८ स्थित झापा मोडल अग्रेजी माद्यमीक विद्यालयकी संज्ञा याक्खाले हामीलाई प्रतिकृयादिदै भन्नु भयो ‘यस खाले प्रतियोगीताले हाम्रो क्षमताको प्रर्दशन भयो हामीले आफ्नो प्रतिभा विद्यालय बाहिर पनि पुगेर देखाउन पायौ । खुसी लाग्यो ।
को भीत्रको क्षमता कती र कस्तो छ भन्ने कुराको परिक्षण गर्ने अवसरका रुपमा विद्यार्थीले यसलाई लिएका छन । दमक ५ मा रहेको दिपिनी आधारभूत विद्यालयका विद्यार्थी आलोकनाथ कुमारका अनुसार उहाँलाई यो प्रतीयोगीतामा सहभागी हुदा दोस्रो हुन्छु भन्ने लागेकै थीएन । तर उहाँलाई मुल्यांकन गर्ने अग्रजहरुले दोस्रो बनाइदिनु भयो । खुसी हुदै भन्नु हुन्छ मसग पनि क्षमता रहेछ । बल्ल थाह पाए । मलाई धेरै खुसी लागेको छ ।
दमक नगरपालिका वडा नं ६ मा रहेको वडा बाल सञ्जालले आयोजना गरेको यो चीत्रकला प्रतियोगीताले विद्यार्थीहरुमा उत्सुकताका साथै उत्साह पनि बढाएको सञ्जालकी अध्यक्ष प्राप्ती दुलाल बताउनु हुन्छ ।
कार्यक्रमको उद्घाटन वडा नं ६ का अध्यक्ष टेकबहादुर थापाले गर्नुभएको थियो । सो प्रतियोगितामा दमकभित्रका १२ ओटा विद्यालयका एक एक जना विद्यार्थीले सहभागिता जनाएका थिए । प्रतियोगितामा प्रथम झापा मोडल अंगे्रजी विद्यालयकी छात्रा संज्ञा याख्खा, दोस्रो दिपिनी आधारभूत विद्यालयका छात्र आलोकनाथ कुमार, तेस्रो सूर्योदय अंगे्रजी माध्यमिक विद्यालयका छात्र बिजेश तिम्सिना र चौथो लालिगुराँस मोडल विद्यालयका छात्र नेल्शन खत्री हुनुभएको थियो ।
बिजेताहरुलाई विभिन्न पुरस्कार र सबै सहभागिहरुलाई प्रोतसाहन गर्न सबै विद्यार्थीलाई सम्मान पत्र दिई सम्मान गरिएको थियो ।
यसखाले प्रतियोगिताले चित्रकलामा रुची हुने विद्यार्थीको क्षमता उजागर गर्न मात्र नभई कला क्षेत्रमा पनि भविष्य बनाउन सकिन्छ भन्ने कुराको संकेत गरेको छ ।
