दमक, ९ असार / झापाको बिर्तामोड ८ स्थित शुक्रबारे टोलका तीन घरमा सोमबार बिहान जंगली हात्तीले क्षति पुर्याएको छ ।
बिहानको राति अन्दाजी ४ बजेको समयमा ४ वटा हात्तीको बथानले सुफल मनीको बासको टाँटी बेरा भत्काएको छ । हात्तीले घर भत्काउन थालेपछि भाग्ने क्रममा सुफलको अनुहारमा चोट लागेको छ ।
हात्तीको सोही बथानले स्थानीय कृष्णप्रसाद उप्रेतीको सिमेन्टको पर्खाल भत्काई करिब ५० हजार मूल्य बराबरको क्षति पुर्याएको जिल्ला प्रहरी कार्यालय झापाले सम्प्रेषण गरेको जानकारीमा जनाइएको छ ।
सोही ठाउँकी शिवकुमारी मगरको आगनमा राखिएको, भकारीबाट ५० हजार मूल्य बराबरको अञ्दाजी १ सय किलोग्राम किलो चामल खाएर हात्तीले क्षति पुर्याएको छ ।
