पथरी, १० असार / उत्तरपूर्वी मोरङको पथरी शनिश्चरे नगरपालिकाको सत्रौं नगरसभाले मंगलबार नीति कार्यक्रमसहित ८१ करोड ९९ लाख ११ हजारको वजेट प्रस्तुत गरेको छ ।
नगर प्रमुख मोहनप्रसाद तुम्बापोको अध्यक्षताको नगरसभामा उपप्रमुख देवीमाया काफ्लेको अस्वस्थताका कारण नगर प्रवक्ता नवीन कार्कीले नीति कार्यक्रमसहितको सो बजेट प्रस्तुत गर्नुभएको हो । सो बजेटका बारेमा पत्रकार सम्मेलनमार्फत विस्तृत जानकारी गराइने कार्यक्रम रहेको छ ।
सभामा उत्कृष्ठ कर्मचारीका रुपमा लेखा शाखा प्रमुख पिताम्बर वस्ती र ३ नम्बर वडामा कार्यरत कार्यालय सहायक इन्द्र सुब्बालाई पुरस्कृत गरिएको छ । न्यायिक समितिका सदस्य पदम धिमालले न्यायिक समिति र लेखा समिति संयोजक भीमकुमार राईले लेखा समितिको प्रतिवेदन समेत प्रस्तुत गर्नुभयो ।
