पथरी, १५ असार / मोरङको पथरीशनिश्चरे १० स्थित किरात युमा माङ्हिमले धार्मिक आस्थाको लागि राखिएको त्रिशुल र नेपालको राष्ट्रिय झण्डा लडाइएको विषयमा संस्थाले आपत्ति जनाएको छ ।
त्यसखाले कार्य गर्नेको खोजी गरेर कारबाहीको माग गर्दै पत्रकार सम्मेलनको आयोजना गरिएको थियो । त्यपपछि कोशी प्रदेश सभा सदस्यहरु मानबहादुर लिम्बू, गीता तिम्सिना लगायतलाई बोलाएर सो को बारेमा समितिले जानकारी गराएको छ ।
शिविरडाँडा चोक पश्चिममा रहेको किरात युमा माङहिम, फाल्गुनन्द साम्जिक मुन्धुम विद्यालय परिसरमा रहको किरात धर्मिक क्षेत्रमा गाडिएको त्रिशुल, धार्मिक माङनिशा र सँगै गाडिएको नेपालको राष्ट्रिय झण्डा शुक्रबार अपरान्हमा एउटा समूहले लडाएको दाबी गरिएको छ । नेपालको राष्ट्रिय विभूति फाल्गुनन्द लिङ्देनको प्रतिमा निर्माणको लागि राखिएको इँटाहरु समेत फालिदिएको किरात युमा माङहिम समितिका अध्यक्ष सम्शेर राईले बताउनु भयो ।
त्यसखाले काम गर्नेहरुलाई खोजेर तुरुन्त कारबाही गर्न महागुरु फाल्गुनन्द प्रतिष्ठानकानका अध्यक्ष सोमप्रसाद पोमुले माग गर्नुभयो ।
सो स्थलमा २०८२ बैशाख २४ गते नेपालको राष्ट्रिय विभूति फाल्गुनन्द लिङ्देनको शालिक निर्माण गर्न पथरीशनिश्चरे नगरका जनप्रतिनिधिहरुको हातबाट शिलान्यास भएको थियो ।
पशुपति सामुदायिक वन क्षेत्रमा डेढ दर्जन बढी विभिन्न धर्म संस्कृति मान्नेहरुको सांस्कृतिक स्थल भएपनि किरात युमा माङ्हिम विरुद्ध आक्रमण भएकोप्रति गम्भिर ध्यानाकर्षण भएको उल्लेख छ ।
किरात धर्मका अनुयायीहरुले शनिबार आफ्नो क्षेत्रमा धुपी, आँप, अम्बा लगायतको विरुवा रोपेका छन् ।
