दमक, ३१ साउन । झापाको दमकमा २ दिने जलवायु परिवर्तन र विपद व्यवस्थापन सम्बन्धी प्रदेश स्तरीय तालिम सञ्चालन भएको छ । शुक्रबारबाट सुरु भएको तालीम शनिबार सम्म हुने छ । कमल गाउँपालिकामा रहेको वर्क फर नेपाल नामक संस्थाको आयोजना र हेल्पिङ हेन्ड फर रिलिफ एण्ड डिजास्टर म्यानेजमेन्ट संस्थाको आर्थिक सहयोगमा यो कार्यक्रम सञ्चालन भएको हो ।
कोशी प्रदेशका ९ ओटा पालिकाका विपत व्यवस्थापनसँग सम्बन्धित कर्मचारी र जनप्रतिनिधीहरु दमकमा भेला भएका छन । आफ्नो पालिकामा विप्पत्त व्ययवस्थापनको पूर्व तयारी कसरी गरिरहिएको छ र त्यसलाई अझ कसरी प्रभावकारी बनाउने भन्ने बारेमा छलफल भएको छ । साथै जलवायु परिवर्तन र यसले निम्ताउने विपतलाई न्युनीकरण र त्यसबाट बच्ने उपायको बारेमा स्थानीय स्तरमा जानकारी यस तालिमले गराउने अपेक्षा आयोजक संस्था वर्क फर नेपालका अध्यक्ष त्रीलोचन अधिकारीले जानकारी दिनुभयो ।
तालिममा उपस्थित गौरीगञ्ज गाउँपालिकाका आईक्यू अफिसर साथै विपत व्यवस्थापनका फोकल पर्सन राकेस राजवंशी गौरीगञ्ज गाउँपालिकाले विपत व्यवस्थापनको लागी सर्वसाधारणलाई विपत सम्बन्धी सचेतना मूलक जानकारी दिईरहेको बताउनुहुन्छ । यस तालिमबाट आफूले धेरै कूरा सिक्ने र अब अफ्नो यहाँको सिकाईलाई प्रयोग गरि व्यवस्थापीय कुरामा थप ध्यान दिने बताउनु भयो ।
हेल्पिङ हेन्डले विप्पत्त, शिक्षा र स्वास्थ्यको क्षेत्रमा प्रभावकारी काम गर्दै आएको छ । विभिन्न आवश्यकीय उपकरण तथा सामाग्री समेत उपलब्ध गराएर पालिका सरकारका कामहरुमा समेत मद्यत गर्ने गरेको यसका कार्यक्रम संयोजक जीभव पोखरेलले जानकारी दिनुभयो ।
यस खाले कार्यक्रमले स्थानीय तहहरुमा विप्पत्त तथा जलवायू परिवर्तनकालागी बनाउने निती र कार्यक्रम कस्तो बनाउने भन्नेबारेमा महत्वपूर्ण योगदान गर्ने देखिन्छ ।
