दमक, ७ भदौ । दमक ६ मा रहेको द नेक्स्ट एजुकेशनल कन्सलटेन्सीले ऊँ शान्ति डेन्टल अस्पतालसँग समन्वयन गरि आफ्ना विद्यार्थी र शुभचिन्तका लागी एकदिने निशुल्क दन्त सिभिर कार्यक्रम सम्पन्न गरेको छ । सिभिर ऊँ शान्ति डेन्टल अस्पतालको प्राङ्गढमा सम्पन्न भएको हो । शुक्रबार भएको दन्त सिभिरमा निशुल्क दन्त परिक्षण गरिनुको साथै अन्य सेवामा २५ प्रतिशत छुट उपलब्ध गराईएको थियो । शिविरमा सहभागीहरुले यसको सेवा लिएका र यसबाट आफुहरुले फाईदा लिएको प्रतिकृया दिएका थीए ।
अध्ययनकालागि विदेश जाने तयारीमा रहेका विद्यार्थीलाई विदेशमा गईसकेपछि दाँतको केही समस्या नहोस भनेर र उता दन्त उपचार महङ्गो हुने भएकोले यहिनै परिक्षण गराई त्यस सम्बन्धीको जोखिम पहिचान गर्न यो शिविर आयोजना गरिएको द नेक्स्ट्स एजुकेशन कनसल्टेन्सीका ब्रान्च म्यानेजर दिपेश रिमालले जानकारी दिनुभयो ।
दाँतको बेलैमा उपचार गराउने हो भने त्यसले पछि केही समस्या नपार्ने ओम शान्ति डेन्टल अस्पतालकी दाँत रोग विषेशत्र डा अन्जली ठाकुरले बताउनु भयो ।
ओम शान्ति डेन्टल अस्पतालले यो भन्दा पहिला पनि विभिन्न संघसंस्थासँग समन्वयन गरि निशुल्क दन्त सिभिर आयोजना गरि समाजमा अमुल्य योगदान पुर्याएको अस्पतालका व्यवस्थापक कमल गैरेले जानकारी दिनुभयो ।
