दमक, २३ भदौ । दमकको मुख्य चोक । आकाशे पुलमुनीको सडकको किनार । दुई किनारमा उभीएर आफ्ना माग र आन्दोलनको अर्थ लेखिएका प्ले कार्ड बोकेर यूवाहरु आन्दोलन गरिरहेका थीए ।
शान्त्तीपूर्ण ढंगले आन्दोलन गर्ने र यसबाट कसैलाई हानी र क्षती नपुर्याइ आफ्ना मागहरु निरन्तर राखी रहने उनीहरुले आफ्ना कार्यक्रमहरु घोषणा गरेका थीए । प्रहरी र प्रशाषनले पनि शान्त्तीपूर्ण आन्लोदन गर्न अनुमिती समेत दिएको थियो । सुरक्षाको व्यवस्था र प्रवन्ध मिलाउने प्रतिवद्धता पनि जनाएको थियो । जस अनुसार आन्दोलन गर्ने स्थल दमक चोकमा जनपथ प्रहरी , शशस्त्र प्रहरीको वाक्लो उपस्थिती रहेको थियो ।
सबैमा एक प्रकारको निराशा छाएको थियो । आक्रोस प्रष्टै देखिन्थ्यो । उनीहरुको आक्रोस एउटै थियो राज्य संयन्त्र सहि ढंगले चलेन । भ्रष्टचार अत्याधीक भयो । कर्मचारी र नेताका छोराछोरीले आलीसान जीवन बिताए । हामी सर्र्वसाधारणका छोराछोरीले बेरोजगार भएर विदेशीन बाध्य भइयो । उनीहरुले लेखेको प्ले कार्डमा पनि यही नै सन्देश देखिन्थ्यो । अत्यन्तै जायज र परिवर्तन चाहिने शशक्त माग हुन यी । तर यी मागलाई उनीहरुले जसरी शान्त्तीपूर्ण बनाउने भनीरहेका थीए । तर त्यस्तो भएन । सुरुमै पनि ट्राफिक र प्रहरी प्रशाषनकै अगाडी मोटरसाईक स्टण्डका दृष्यहरु देखिनै रहिएको थियो ।
यस बिचबाट कोहि यूवाको आवाज आयो । र्याली निकालौ । दमक नगरपालिका तर्फ जाउँ । जोशीला यी यूवा शक्ति नगरपालिका तर्फ अघी बढे । नगरपालिकाको गेट अगाडी पुगेपछि त्यहि भीडबाट नगरपालिकाको गेट तर्फ ढुङ्गामुडा हुन थाल्यो । सबैले एकै छिनमा त्यहाँको अवस्था असामान्य बन्यो । भीडलाई नियन्त्रण लिन प्रहरीले अश्रुग्यास र हवाई फायर नै गर्नु पर्ने अवस्था आयो ।
त्यसपछि अवस्था झन झन आक्रोसित बन्दै गयो । दमक नगरपालिका भीत्रनै प्रदर्शनकारीहरु प्रवेश गरे । नगरपालिकाको पार्कीङ स्थलमा सेवाग्राहि कर्मचारी तथा जनप्रतिनिधीको पार्कीङ गरेर राखेको मोटरसाईकलमा आगजानी भयो । गेट अगाडी पनि सर्वसाधरणको मोटरसाईकलमै आगो लगाइएको थियो । नगरपालिका तर्फ ढुङ्गा प्रहार निरन्तर भइ रह्यो । नगरपालिकाको बाहिर पट्टि क्षती भयो । नगर प्रहरी बस्ने सुरक्षा पोष्टको सबै सामान तोडफोड गरियो । त्यहाँ रहेका केहि रेकर्ड फायल जलाइयो । नगरभरी नीगरानी गर्नका लागी राखीएको कन्ट्रोलर पनि तोडीयो । भीत्रको एम्बुलेन्समा समेत ढुङ्गा प्रहार पछि फुटाइयो । यसपछि नगरपालिका भीत्रैबाट प्रहरीले ६ राउण्ड हवाई फायर गर्यो । मुडभेड भयो । यसैका कारण एक दर्जन बढि प्रदर्शनकारी घाईते भए भने कयौ प्रहरी पनि घाईते भए ।
यसरी प्रहरीसगको झडपमा परेर घाईते भएकाहरुको उपचार र यो सम्पूर्ण घटनाको जिम्मेवारी सरकारले लिनुपर्ने उनीहरुले माग गरेका छन् ।
यसपछि केहि बेर चर्का नारा लगाउँदै उनीहरु नगरपालिकाको गेट अगाडी प्रदर्र्शन गरे । कसैले ढुङ्गा प्रहार नगर्ने, अराजक नबन्ने, र सम्यम भएर नाराजुलुस मात्रै गरेर आन्दोलन गरेर उनीहरु बसे । फेरी यही भीडबाट दमकमा रहेको केपि ओलीको घर फोर्न जाँउ भन्ने आवाज गुन्जीयो । प्रधानमन्त्रीकै विरुद्धमा आन्दोलन र नारा लगाइरहेका उनीहरु नगरपालिकाबाट फनक्कै फर्के र दमक ९ मा रहेको प्रधानमन्त्री केपि शर्मा ओलीको अस्थाई घर तर्फ लागे । त्यहाँ प्रहरीको बाक्लो उपस्थिती थियो । प्रहरीको यस्तो तैनाथ पछि पनि घर तोडफोडको प्रयास भयो । प्रहार गरिएको ढुङ्गाले घरमा क्षती नगरेपछि मजदुरी गरेर सिटि रिक्सामा क्षती भयो ।
यसरी नियन्त्रण भन्दा बाहिर गएको यो आन्दोलन अझै अनियन्त्रीत बन्ने निश्चित छ । यसले यूवाहरु परिवर्तन त चाहेका छन् । तर यसरी सार्वजनिक सम्पत्तीमा तोडफोडबाट भएको क्षती पनि हाम्रै करबाट संकलीत रकमबाट बनेको हो र यी सम्पत्ती पनि हाम्रो पनि हो भन्ने बुझ्न चाहि आवश्यक छ ।
