दमक, १५ असोज । जेन जी आन्दोलको प्रभाव कहाँ देखी कहाँ सम्म परिहेको छ भन्ने कुरा क्रमश त्यसका असरहरु बाहिर आएपछि थाह हुँदै छ । वर्षौ सम्म विदेशमा काम गरिरहेकाहरु यो वर्षको दशैमा आउन ठिक्क परेका भएपनि अहिले दशैको मुखैमा जेन जीको आन्दोलन भएपछि आफ्नो घर र्फकन रोकीए । यता आफन्त पर्खीरहेका छन् । उता परदेशी घर सम्झीरहेको छ । घर देश र परदेशको सम्बन्धलाई समेत जेन जी आन्दोलनले टुटाई दिएको भन्दै घरदेशमा भएकाहरुले दुखेसो पोखेका छन् ।
दमक ९ का खड्ग बहादुर विस्वकर्माका अधिकांश आफन्त र साथीभाई विदेशमा हुनुहुन्छ । काम गर्र्न भन्दै विदेशीएका आफन्तहरु वर्षौै भयो । तर यो पटक चाहि दशैमा फर्कने योजना बनेको थियो । तर जेन जी आन्दोलनका कारण फर्कनेहरु फर्कन चाहेनन । यहाँ भएको जेन जी आन्दोलनको प्रभावले गर्दा आउन त आइएला फेरी नेपालीहरु घरमै बस्नु भन्ने सन्देश पो आउने हो कि भन्ने डर र चीन्ताले पनि विदेशमा रहेका आफन्तहरु घर फर्कन चाहेनन । जसले गर्दा वर्षौ देखीको पारीवारीक मिलनको अवसर जेन जी आन्दोलनकै कारण टुटेको छ ।
यस्तै झापा शिवसताक्षीका बेनु प्रसाद प्रसाईलाई पनि यो पटकको दशै खल्लो लागेको छ । किनकी यो पटकको देशको स्थिती र परिस्थितीले तरकारीमा नुन नहाल्दाको स्वाद जस्तो हुन्छ यो पटकको दशै त्यस्तै भएको उहाँको प्रतिकृया छ । किनकी उहाँका पनि आफन्त विदेशबाट आउनेवाला हुनुहुन्थ्यो । तर स्वदेश आएपछि फेरी आन्दोलन होला, प्रदर्शनका कारण फर्कने समयमा यतै अड्कीनु पर्ने पो हो कि भन्ने डरका कारण घर आउन चाहेका आफन्तहरुपनि आउन नचाहेको उहाँले बताउनु भयो ।
यसैगरी दमककी राधीका सापकोटा बजगाईलाई पनि यो पटक खल्लो लागेको छ । उहाँको श्रीमान त स्वदेशमै हुनुहुन्छ । तर अन्य आफन्त , चेली माईती तथा भान्जा भान्जीहरु परदेशमा छन् । दशैको बेलामा भेला हुने र रमाईलो गर्ने सम्बन्ध र आफन्त तीनै हुन । तर उनीहरुनै स्वदेशमा नभएका पछि र विदेशमै भएपनि नआएपछि के रामाईलो होला र ? प्रश्न गर्दै उहाँले भन्नु भयो खासै रमाईलो लागेको छैन यो पटकको दशै । निकै दुख लागेको छ । दशैमा चाहि आउने भनेका आफन्तहरु पनि आउन पाउनु भएन । उहाँले प्रतिकृया दिनुभयो ।
हो जेन जी आन्दोलनका नाममा भएको उदण्ड हर्कत र प्रर्दशन कारण यसको प्रभाव देश तथा विदेशमा समेत परेको छ । देशमा पारेको असर देशैमा बसेर जुध्न सकिएला तर विदेशमा नेपाल र नेपालीकालागी हेरिने दृष्टिकोण भने फरक बन्ने र अझ सवेदनशील बन्ने हो कि भन्ने चीन्ता चाहि बढाएको छ ।
