काठमाण्डौ,५ असोज । अघिल्लो महिना असोजमा देशभरका मालपोत कार्यालयले कूल दुई अर्ब ७५ करोड ८५ लाख ५७ हजार नौ सय २७ रुपैयाँ बराबरको राजस्व सङ्कलन गरेको छ् । भदौ २३ र २४ गतेको जेन–जी आन्दोलनका कारण कतिपय मालपोत कार्यालयमा आगजनी र क्षति पुगेको छ ।
जेन–जी आन्दोलन र लगत्तै चाडपर्व परेका कारण कार्यालय सञ्चालनमा कठिनाइ भएका कारण राजस्व सङ्कलन पनि सामान्य नै रहेको भूमि व्यवस्थापन तथा अभिलेख विभागले बताएको छ । विभागका अनुसार गएको असोजमा सेवा कर २१ करोड ३० लाख ७५ हजार दुई सय ६०, रजिष्ट्रेशन शुल्क एक अर्ब ४४ करोड १६ लाख ८७ हजार सात सय ५५ सङ्कलन भएको जनाएको छ ।
पुँजीगत लाभकर एक अर्ब छ करोड १९ लाख ३५ हजार पाँच सय ३७ सङ्कलन भएको थियो । विभागका अनुसार मालपोत कार्यालय चाबहिल काठमाण्डौले २७ करोड ४२ लाख ९६ हजार दुई सय १०, आगलागी र तोडफोडमा परेको कलङ्की मालपोत कार्यालयले ४१ लाख ५० हजार तीन सय ७१ बराबरको राजस्व सङ्कलन गरेको जनाएको छ ।
मालपोत कार्यालय बुटवलले पाँच करोड तीन लाख ५६ हजार छ सय ३९, मालपोत कार्यालय दमक झापाले दुई करोड ८६ लाख ४१ हजार तीन सय ९०, मालपोत कार्यालय मनमैजु काठमाण्डौले चार करोड ७७ लाख २३ हजार तीन सय ६१ बराबरको राजस्व सङ्कलन गरेको जनाएको छ । असोज महिनामा २३ हजार तीन सय ५३ वटा लिखत पारित भएको छ । विभागका अनुसार असोज महिनामा ७९ हजार सात सय ३९ वटा घरजग्गासँग जोडिएका कारोबार भएको जनाएको छ।
