दमक, २७ कार्तिक । दमक नगरपालिकामा रहेका मुख्य बजार क्षेत्रहरुको सडकहरुमा ट्राफिक व्यवस्थापन गर्न र दुर्घटना न्युनीकरण गर्नका लागी भनेर एकतर्फी पार्किङको नियम बनाईएको थियो ।
केही महिना अघिसम्म त यो नीयमको पालना पनि हुने गरेको थियो र केही हद सम्म पैदल यात्री र यात्रुहरुलाई सहज भईरहेको थियो । तर, गत भदौ २३ र २४ गतेको जेन्जी आन्दोलन पछि भने फेरी ती व्यवस्था अस्तव्यस्त नै बन्यो । त्यस पछि भने मनपरि सवारी पार्किङ हुन थाल्यो जसले गर्दा अहिले भने ती सडकहरुमा सवारीको चापले गर्दा दुर्घटनाको जोखीम बढ्दै गएको छ ।
यो दमकको बेलडााँगी रोड हो । दृष्यमा देखिएको यो सवारी चापले यहाँको सडकको अवस्था कस्तो छ भन्ने स्पष्ट पारेको छ । अनी नगर सरकारले घोषणा गरेको एकतर्फि पार्कीङको नियमको यहाँ नागरीक स्तरबाटै धज्जी उडाइएको छ ।
नगर सरकारले महिनाको १ गते देखी १५ गते सम्म पूर्व र १६ गते देखी मसान्त सम्म पश्चिम तर्फ पार्किङ गर्ने नियम लगाएको छ । तर अहिले यसको कार्यान्वायन नै भएको छैन । यसले गर्दा दमक बजारका सडकहरु अस्तव्यस्त मात्रै भएका छैनन् सर्वसाधारण यात्रुले सास्ती समेत खेप्नु परेको छ ।
पार्किङ अव्यवस्थित बन्दा पैदलयात्रीले मात्र हैन साना सवारी चालकहरुले पनि समस्या भोगीरहनु परेको छ । पार्किङलाई व्यवस्थीत बनाउनको लागी नगरपालिकाले बनाएको नियमको पालना गराउन नगर प्रहरी परिचालन गर्नुपर्ने र त्यसबाट व्यवस्थापन खोज्नुपर्ने स्थानीयबासी दिपेश आचार्य बताउनुहुन्छ ।
जेन्जी आन्दोलन भन्दा अघि एकतर्फी पार्किङको नियमको पालना नगर्नेहरुको हेल्मेट नगरपालिकामा ल्याएर रााखिदिने र टायरमा विललक लगाईदिने गरिएको थियो जसले गर्दा डरले पनि नागरिकहरुबाट त्यो नियमको पालना भएको थियो । तर, जेनजी आन्दोलनको क्रममा ति सवै विल लकहरु लुटिए, जलाईए जसका कारण अहिले दुई तर्फी नै पार्किङ गरे पनि कसले के गर्छ र भन्ने मानसीकता नागरिकमा बढ्न थाल्यो ।
तर यो नागरिककै सहजताकालागि हो भनेर नागरिकले बुझ्न सकेनन । जसले गर्दा नियम पालनामा राज्य संयन्त्र कडाई हुनुनै पर्ने देखियो । जसकालागी अहिले नगरपालिकाले नगर प्रहरीहरु परिचालन त गरेको छ तर उनीहरु केवल स्टाचु जस्तै मात्र भएका छन् । कुनै कडि कडाई गरेर नियम पालउना गराउन नसकेको नगर प्रहरी प्रमुख रुद्र कार्की स्विकार गर्नुहुन्छ ।
नियम राज्यका लागी नभएर नागरीकका लागी हो । नागरिकलाई सहज र सजीलो होस भन्न बनाइएका हुन । तर नागरिक बाटै त्यसको पालना हुन नसक्नु नागरिकहरुकै गैरजिम्मेवार पनि त हो । सुधार र परिवर्तन चाहने नागरिकले राम्रा नियमको पालना आफै इमान्दारीताका साथ किन नगर्ने ? एक पटक यो प्रश्नको जवाफ आफैबाट खोजौ र परिवर्तनका भाषण गर्ने बानी गरौ ।
