दमक, ४ मंसिर । खासगरी भुटानी शरणार्थी र स्थानीय किसानका उत्पादनले बजार पाउन सकुन भनेर दातृ निकायको समेत सहयोगमा बेलडाँगी बजार भब्य उद्घाटन गरियो । जथाभावी पसल खोल्ने र अस्त ब्यस्त भएका ब्यापारीलाई एकीकृत गर्न भन्दै सुरु गरिएको यो बजार केही महिना देखि अव्यवस्थित बन्यो भने एक वर्ष समेत नहुदै यो गौचरनमा परिणत भएको छ । खासमा किन यस्तो भयो?
दृष्य्मा देखिएका यी टहरा प्यापारिक प्रयोजनकालागी बनाईएका हुन । तर यहाँ अचेल व्यापारी आउदैनन । बरु तालपर्यो भने यहाँ चर्न आएका चौपाया बस्ने गोठ बनाउन पछि बाकी राख्नेवाला छैनन यहाका स्थानीयले । अस्त ब्यस्त बनेको यहाका पसल र दोकानेहरुलाई एकै ठाउमा त्यो पनि सुरक्षितसाथ राख्न टहरा बने । पक्की संचरचना सहित पनि बने । तर यहाँ त अहिले व्यापारी हैन पशु चौपायाको गौचरन बनेको छ । यसरी अहिले यहाँ व्यापारी पनि आउदैनन । अनि ग्राहक पनि । त्यसैले स्थानीय स्तरका उत्पादनको स्टल समेत नराखेको बताउनुहुन्छ दमक ३ का मनि सिंह तामाङ ।
जसलाई जहाँ मन लाग्यो त्यही पसल थाप्ने । सडकका किनार किनारमा जे सुकैको पसल खोलीएपछी बजारमा ग्राहक जान छोडे । दमकबाट बेलडाँगी आउने ब्यापारीको आउन बन्द भयो । तर नगरपालिका र बजार ब्यबस्थापन समितिले यसको उचित व्यवस्थापन गर्नै सकेन । त्यसकारण छाडा छोडेका रागा जस्तै बने यहाका अधिकांश व्यापारी । यद्यपि नगरपालिकाले तोकेको ठाउमा अझैपनी व्यापार गरिरहनुभएका डिबि सुब्बा र राम साहको गुनासो छ खासगरी व्यवस्थापन समिती निकै कमजोर भयो । आफ्नै नियम लागू गराउन सकेन । निरीह बन्यो ।
चिटिक्क परेका यी टहराहरु २०८१ साल भाद्र १८ गते बिधिवत उद्घाटन गरि स्थानीय ब्यापारीलाई हस्तान्तरण गरिएको थियो । तर आफ्नै ठाउको बजार आफै व्यवस्थापन गर्न नसकी कमजोर बनेको व्यवस्थापन समितिले अहिले यो बजार नै कोल्याप्स पारिदियो । जसले यापारी मात्र तितरबितर भएनन । स्थानीय उपभोक्ताको एकता र बजारमा देखिएको नया चहलपहल अनि यसले बेलडाँगीलाई दिएको पहिचान समेत गुमाईदिएको छ ।
