झापा, ६ मंसिर । वर्षौँ देखी कागजी योजना र सरकारी आश्वसनमात्र सिमित रहेको थियो कलम ६ खयरबारीको रतुवा किनारमा मुक्तिघाट निर्माणको काम । तर, अब भने त्यो काम भाषणमा मात्र सिमित रहेन , त्यस कामलाई वास्तविक्तामा परिवर्तन गर्दैछ कमल ६, खयरबारीमा रहेको खयरबारी युवा क्लबको समूहले । देउसीभैलो खेलेर उठेको पैसाबाट पिकनिक र भ्रमणमा गई रमाईलो गर्ने प्रवृतीको बिचमा खयरबारी युवा क्लबले भने रमाईलो भन्दा समाज विकासको बाममा जोड दिदैँ संकलन भएको पैसाबाट घाट निर्माणको कार्यमा लगाएर साँच्चै नै उदाहरणीय काम गरको छ ।
हरेक शुक्रबार र शनिबार बिहानैबाट युवा क्लबका सदस्यका साथै समुदायमा रहेका स्थानीयहरु खोला गई घाट निर्माणको काममा जुट्छन् । युवा क्लबको नेतृत्वमा सुरु भएको घाट निर्माणको काममा स्थानीयको साथ र सहयोगले झनै रौनक्ता छाएको छ । काम गरिरहेका हरेक स्थानीयको अनुहारमा काम गर्दाको थकान भन्दा पनि वर्षौँ देखी रोेकिएको काम पूरा हुने भयो भनेर उत्साह झल्कीएको देख्न सकिन्छ ।
विगतका दिनहरुमा अन्त्यटी गर्न आउँदा पानी पर्दा होस् वा घाम लाग्दा एउटा ओत लाग्ने ठाउँ समेत नहुँदा निकै समस्या हुने गर्थ्यो तर, अब भने त्यो समस्याको अन्त्य हुने भयो भन्दै खुसी व्यक्त गर्नुहुन्छ श्रमदान गर्न आउनुभएकी स्थानीय धनमाया खड्का ।
२०७७ सालबाट निरन्तर सामाजीक कार्यमा जुटिरहेको खयरबारी युबा क्लबले वर्षौँ देखी रोकएको घाट निर्माणको काममा आफूहरुले झक्झकाउनु पर्छ भन्ने लागेरै यो कामको सुरुवात गरेको बताउनुहुन्छ खयरकारी युवा क्लबका अध्यक्ष राम साही ठकूरी ।
खयरबारीमा मुक्तीघाट निर्माणका लागी कमल गाउँपालिकाबाट बजेट विनियोजन गरेको भएपनि विविध कारणले गर्दा काम रोकिएको थियो । तर, पनि युबा क्लबले गरेको यो पहल निकै नै उदहारणीय रहेको भन्दै यसमा वडाको तर्फबाट पनि भरपूर सहयोग रहने र आफूले पाउपालिकामा समेत यसको सम्पन्नतामा पहल गर्ने बताउनुहुन्छ घाट निर्माणको काम निरीक्षणमा आउनुभएका कमल गाउँपालिका वडा नं ६का वडाध्यक्ष नरेन्द्र भट्राई ।
मुक्ती घाट केवल अब एम संरचना मात्रै हैन , यो युवाको सोच ,सामुदायिक शक्ति र सकारात्मक परिवर्तनको बास्तविक उदाहरण बनिरहेको छ ।
