दमक, ९ मंसिर। ‘सबै महिला र बालिकामाथि हुने डिजिटल हिंसाको अन्त्य गर्न जुटौँ’ र ‘प्रविधिको सही प्रयोग गरौँः लैङ्गिक हिंसा अन्त्य गरौँ’
यी दुई नारालाई हाईलाईट गरेर आज दमकमा बृहत र्याली निकालियो ।
दमक नगरपालिकाबाट निस्केको र्याली नगर परिक्रमा गरेर फेरी नगरपालिकामै आएर कोणसभा गरि सम्पन्न भयो । र्यालीमा दमक नगरपालिकाका प्रमुख राम कुमार थापा, उप प्रमुख रेगिना भट्टराई प्रसाई सहित दमकका अन्य बिभिन्न सामाजीक संघ सस्था, प्रशाषनीक सस्था, सरकारी, गैरसरकारी, निजी लगायत दर्जन बढिमा संघ सस्थाहरुको सहभागीता रहेको थियो । सबैले आ आफ्नो पहिचान सहितको ब्यानर र पोषाक पनि लगाइएको थियो । शान्तपूर्ण रुपमा निकालीएको र्यालीमा लैगीक समानताका बारेमा लेखीएका बिभिन्न नाराहरु लेखीएको थियो । प्ले कार्डहरु देखाइएको थियो ।
मंगलबारदेखी सुरु भएको यो लैङ्गिक हिंसाविरुद्धको १६ दिने अभियान डिसेम्बर १० तारिख सम्म चल्ने छ ।
अन्तर्राष्ट्रिय महिला हिंसा अन्त्य दिवस (नोभेम्बर २५) को अवसर पारेर हरेक वर्ष झैँ मनाइने यो अभियान यस वर्ष पनि विभिन्न कार्यक्रम गरी १६ दिन सम्म मनाइन्छ ।
यस वर्षको अन्तर्राष्ट्रिय नारा ‘सबै महिला र बालिकामाथि हुने डिजिटल हिंसाको अन्त्य गर्न जुटौँ’ भन्ने छ भने राष्ट्रिय नारा ‘प्रविधिको सही प्रयोग गरौँः लैङ्गिक हिंसा अन्त्य गरौँ’ रहेको छ । मंगलबार दमक नगरपालिकाले आयोजना गरेको र्यालीमा सहभागी हुन आउनु भएकी दमक स्थित आम्दा स्वास्थ्य बिज्ञान प्रतिष्ठानमा एच ए विषय अध्यन गरिरहनु भएकी आस्मा भट्टराई भन्नु हुन्छ यसखालको र्यालीबाट सामाजीक चेतना बृद्धि गर्न मद्यत गरिरहेको छ । उहाँले भन्नु भयो पछिल्लो समय प्राविधिको दुरुपयोग बढिरहेकोले यसबाट कसरी सचेत हुने र आफु सुरक्षीत हुने भन्ने सन्देश दिन पनि यो र्याली महत्वपूर्ण हुने छ ।
यो अभियानको उद्देश्य लैङ्गिक हिंसाबारे जनचेतना अभिवृद्धि गर्ने, प्रविधिको उचित प्रयोगमार्फत हिंसा रोकथामलाई प्रभावकारी बनाउने तथा महिलाको अधिकार संरक्षण र सशक्तिकरणलाई अघि बढाउने हो । अभियानमा सहभागी हुनु भएकी दमक नगर बाल सञ्जालकी सचिव कीष्मिका पोखरेलले पछिल्लो समय प्रविधि माफर्त महिला तथा बालबालिकाहरुमा हिंषा बढि रहेको, गलत उद्धेस्यले सन्देशहरु प्रवाह गरिरहेको, प्रलोभन देखाउने गरेका जस्ता घटना बढीरहेकोले त्यस तर्फ सचेत हुँदै त्यसखाले घटना न्यूनिकरणमा सरकारी संयन्त्रले काम गर्नुपर्नेमा जोड दिनुभयो ।
र्याली पछि आयोजीत कोणसभालाई सम्वोधन गर्दै दमक नगरपालिकाका प्रमुख राम कुमार थापाले भन्नु भयो दमकको कुना कुनामा यो अभियान पुग्नु पर्ने र यसले सामाजीक रुपान्ततरणमा महत्वपूर्ण योगदान गर्नुपर्ने बताउनु भयो । अहिले पनि लिगका आधारमा कोहि कसैले विभेद खेपीरहेको छ भने त्यो अपराध हो र त्यसो गर्नेलाई कानुनी कार्वाहि हुने छ । नगर प्रमुख थापाले उल्लेख गर्नुभयो ।
यस्तै सोहि कार्यक्रममा बोल्दै दमक नगरपालिकाकी उप प्रमुख रेगिना भट्टराई प्रसाईले पछिल्लो समय भौतीक हिंषा भन्दा पनि डिजिटल हिंषा बढिरहेको र यसको प्रतिकार गर्न सबैजना तयार हुनुपर्नेमा जोड दिनुभयो । यस खालका हिंषात्मक गतिविधिलाई न्यूनिकरण गर्दै नियन्त्रण गर्न दमक नगरपालिकाले वार्षिक कार्यक्रम बनाएर सामाजीक रुपान्तरणमा काम गर्ने पनि उहाँले प्रतिवद्धता व्यक्त गर्नु भयो ।
संयुक्त राष्ट्रसंघको १९९९ को महासभाले नोभेम्बर २५ लाई ‘महिला हिंसा अन्त्य दिवस’ घोषणा गरेपछि विश्वभर १६ दिने अभियान मनाउन थालिएको हो । नेपालमा भने यो दिवस वि.सं. २०५४ सालदेखि मनाउन थालिएको हो ।हरेक वर्ष अभियान सञ्चालन भए पनि महिलामाथि हुने हिंसा बोक्सीको आरोप, छाउपडी, दाइजो, छुवाछुत जस्ता कुप्रथाबाट उत्पन्न समस्या अहिलेसम्म पूर्ण रूपमा अन्त्य हुन सकेको छैन ।
