दमक, २१ मंसीर । काममा यती व्यस्त छन् कोहि पनि आफ्नालागीपनि फुर्सद निकाल्ने वाला छैनन । कोहि कलेजमा प्राध्यापन गर्नेहरु हुनुहुन्छ । कोही स्कुलका प्रिन्ससपल त कोही चाहि बैंक तथा वित्तिय क्षेत्रमा नेतृत्वदायी भूमिकामा रहेर काम गरिरहनु भएको छ । सबैजनाको दुई वा सो भन्दा बढि व्यवसायीयक क्षेत्रमा लगानी छ । कुनै व्यवसायले नाफा दिइरहेको छ कुनै व्यवसायले नयाँ आइडिया र अनुभव दिइरहेको त कुनैले सामाजीक प्रतिष्ठा बढाउन मद्यत पुगेको छ अनी कुनैले आफुलाई स्वस्थ रहन पनि पनि मद्यत गरीरहेको छ । हो यस्तै भावना भएका दमक र उर्लाबारीका २२ जना यूवा उद्यमीहरुले अर्को नयाँ व्यवसाय खोलेका छन् । त्यो हो ‘पावर फिटनेस पार्क’ ।
दमक ४ चिया दोकानमा खुलेको यो फिटनेशको शनिबार औपचारीक उद्धघाटन गरिएको छ । पछिल्लो समय काममा मात्रै फोकस गर्ने र शारिरिक रुपमा तन्दुरुस्ती राख्ने समय समेत नभएकाहरुलाई ध्यानमा राख्दै छाटो समयमा शरिरका बढि भन्दा बढि मसलहरुको कसरत गराउन ‘पावर फिटनेस पार्क’ खोलीएको सञ्चालकमध्येका एक राम प्रसाद भण्डारीले जानकारी दिनुभयो ।
यस्तै अर्का सञ्चालक सन्तोष मैनाली भन्नु हुन्छ पावर फिटनेस पार्कमा तालीमप्राप्त प्रशिक्षकहरु राखीएको छ । आधुनीक मेसीन रहेका छन् । मीत्रवत वातावरणमा सबैलाई सहज हुने ढंगले फिटनेशका सुविधा दिने गरि पावर फिटनेश पार्क खोलीएको हो ।
उसो त यो पावर फिटनेश पार्कमा अन्य फिटनेस भन्दा केहि न केहि नयाँ अनुभव र सुविधा पाइएन भने ग्राहक नआउन सक्छन् । यो फिटनेसमा प्रयोग गरिएका मेसिन र अन्य फरक अनुभव चाहि कस्तो हुन्छ भनी हामीले यो फिटनेश सेट अप गर्ने सप्लायसर्य फिटनेश स्पाईस इटहरीका शाखा प्रबन्धक गोविन्द पौडेललाई सोध्यौ । उहाँ भन्नु हुन्छ यहाँ प्रयोग गरिएका सबै मेसीनहरु आधुनीक छन् । अटोमेटिक छन् । अन्य फिटनेसमा तपाईले इन्ड्रोईडको सुविधा पाउनु हुने छ भने यहाँ चाहि आईफोन जस्तो स्मुथ सुविधा हुने छ । ’ त्यस अनुसारका अहिलेको समयको अवस्था र माग अनुसारका मेसीनहरुको सेट–अप गरिएको उहाँको दावि छ ।
दमक र उर्लाबारीका २२ जना यूवाहरुले करिव ७० लाख रुपैँया लगानी गरी खोलीएको यो फिटनेसमा सबै खाले सुविधा उपलब्ध रहेको जनाइएको छ । यसको औपचारीक उद्धघाटन जुन घरमा फिटनेस सञ्चालन गरिएको छ त्यहि घरका घरधनी मान बहादुर देउजाले रविन काटेर गर्नु भएको थियो ।
