दमक, १९ । दमक उद्योग वाणिज्य संघको निर्वाचनको मतपरिणाम मिश्रण आएको छ । शुक्रबार भएको निर्वाचनको मतगणना सकिएपछि परिणामले कुनैपनि समुहको बर्चस्व हुनेगरिको परिणाम नदिएको हो । अध्यक्ष पदमा दोस्रो कार्यकालकागी निवर्तमान अध्यक्ष देवीप्रसाद गुरागाई(गोपाल)नै पुनः अध्यक्षमा निर्वाचित हुनुभएको छ । उहाँले आफ्ना निकटतम प्रतिस्पर्धी भरत चौलागाईंलाई फराकिलो मतान्तरसहित जित हासिल गर्नुभएको हो।
गुरागाईंले ८९६ मत प्राप्त गर्दा निकटतम प्रतिस्पर्धी मानिनुभएका चौलागाईंले ५८६ मत मात्रै प्राप्त गर्नुभएको थियो। यस्तै अध्यक्षका अर्का प्रत्याशी राजु खड्काले ५०७ मत ल्याएर तेस्रो स्थानमा चित्त बुझाउनुपर्यो।
अध्यक्ष पदमा निर्वाचित भएपछि नवनिर्वाचित अध्यक्ष गुरागाईंले प्रतिस्पर्धामा मात्रै प्रतिस्पर्धामा मात्रै समूहगत भएको तर अब निर्वाचित भइसकेपछि सबै व्यवसायको साझा उम्मेदवार भएर दमकको व्यवसायको हक हित र अधिकार संरक्षणका लागि आफूले काम गर्ने प्रतिबद्धता दोहोर्याउनु भएको छ ।
यस्तै वरिष्ठ उपाध्यक्षमा भगवान बस्नेत फराकिलो मतान्तर सहित विजयी हुनुभएको छ ।उहाँले आफ्ना प्रतिद्वन्दी राजकुमार योङया र ज्ञाननाथ पौडेललाई पछि पार्दै विजय हासिल हुनुभएको हो।
बस्नेतले ८०६ मत प्राप्त गरेर वरिष्ठ उपाध्यक्षको पदमा निर्वाचित हुनुभएको छ । निर्वाचित भएपछि प्रतिक्रिया दिँदै बस्नेतले भन्नुभयो आफ्नो पद र व्यक्तिगत सामर्थ्य अनुसार जहाँ जतिबेला व्यापारीका लागि उभिनुपर्छ त्यहाँ त्यसैबेला पुग्ने उहाँले बताउनुभएको छ।
यस्तै प्रथम उपाध्यक्षमा सबैभन्दा लोकप्रिय मत ल्याएर रुबल अधिकारी विजयी हुनुभएको छ। उहाँले आफ्ना निकटतम प्रतिस्पर्धी सुनिल शाह र तुलसी तिम्सिनालाई पछि पार्दै लोकप्रिय मत ल्याएर विजयी हुनुभएको हो। अधिकारीले ९६७ मत प्राप्त गर्दा शाह र तिम्सिनाले क्रमश ३६६ र ६०७ मत प्राप्त गर्नुभएको थियो।
प्रथम उपाध्यक्षमा विजयी भएपछि अधिकारीले भन्नुभयो अब म दमकका सबै व्यापारीको साझा नेतृत्व बनेको छु। व्यापारीको हक हितका लागि आफ्नो पहल रहनेछ ।
यस्तै द्वितीय उपाध्यक्षमा टिकाराम खतिवडा विजयी हुनुभएको छ। उहाँले आफ्ना प्रतिद्वन्दीहरु नवीन बराल र रमेश लुइटेलाई पछि पार्दै विजयी हासिल गर्नुभएको हो। निर्वाचित भएपछि खतिवडाले व्यवसायीहरुलाई धन्यवाद दिँदै व्यापारीको हक हितमा लाग्ने प्रतिबद्धता व्यक्त गर्नुभएको छ।
यस्तै तृतीय उपाध्यक्षमा सुवास गर्दोलाले विजयी हासिल गर्नुभएको छ। उहाँले आफ्ना प्रतिद्वन्दी विवेक श्रेष्ठ र उमेश गजमेरलाई पछि पार्दै विजय हासिल हुनुभएको हो। विजयी भइसकेपछि गर्तौलाले भन्नुभयो दमकका व्यवसायीका लागि कहाँ उभिनुपर्छ त्यहा उभिने छु ।
यस्तै महिला उपाध्यक्षमा संगीता तुम्बापो विजयी हुनुभएको छ। उहाँले आफ्ना प्रतिद्वन्दीहरू सुष्मा न्यौपाने निरौला र लोकमाया ढुंगेल सजुलाई पछि पार्दै विजय हासिल गर्नुभएको हो। आफूलाई मत दिएर विजय गराइदिनेहरुलाई धन्यवाद व्यक्त गर्दै उहाँ भावुक हुनुभयो र दमकको व्यापार र व्यवसायलाई थप मजबुत बनाउन आफूले सकेको योगदान गर्ने प्रतिक्रिया दिनुभएको छ ।
दमक उद्योग वाणिज्य सङ्घको शुक्रबार सम्पन्न भएको निर्वाचनमा २०३८ मत खसेको थियो। सङ्घमा २२९८ जना मतदाता रहेका थिए।
