दमक, २३ पुष । जेन जी आन्दोलनका बेला तोडफोड भएको दमक स्थित बिजनेश कम्प्लेक्स (भ्यू टावर)को झापाका प्रमुख जिल्ला अधिकारी शिवराम गेलाल सहितको टोलीले स्थलगत निरिक्षण गरेको छ ।
मंगलबार जेन जी आन्दोलनपछि के के मा कस्तो र कसरी क्षती पुगेको छ भनेर प्रमुख जिल्ला अधिकारी गेलालले निरिक्षण गर्नु भएको हो ।
दमक नगरपालिकाका प्रमुख राम थापा, उप प्रमुख रेगिना भट्टराई प्रसाई सहितको टोली निरिक्षणका क्रममा पुग्नु भएको थियो ।
सो क्रममा सघन सहरी तथा भवन निर्माण कार्यालयसग समन्वय गरी यसको पूःन निर्माण गर्न लाग्ने बजेटको श्रोत व्यवस्थापनमा समेत पहल गर्ने बताउनु भयो । गत भदौ २४ गते जेन जी आन्दोलनका नाममा यो टावरमा तोडफोड गरीएको थियो । यसबाट २५ करोड बढिको क्षती भएको सघन सहरी तथा भवन निर्माण कार्यालयले जनाएको छ । २०८१ साल मंसिर २३ गते तत्कालीन प्रधानमन्त्री केपी ओलीले उद्घाटन गर्नुभएको यो भ्यु टावर गत १ साउनदेखि मात्र सञ्चालनमा आएको थियो ।
