दमक ३ माघ । चिसो बिस्तारै कम हुँदै गएको छ । तर अझैपनि बिहान बेलुका निकै चिसो हुन्छ । तर यस्तो चीसोमा दमकका कयौ बस्तिहरु अझैपनि न्यानो भएर सुत्न सकिरहेका छैनन । यो मध्येको एक हो दमक ९ मा रहेको एउटा सुकुम्बावी बस्तिमा रहेका ५० बढि परिवारलाई रातमा ओढेर सुत्ने फाईवर सिरक वितरण गरिएको छ ।
सामाजिक सेवामार्फत समुदायमा सहयोग पु¥याउने उद्देश्यसहित लायन्स क्लब दमक माउन्ट एभरेष्ट र लियो क्लब अफ दमक माउन्ट एभरेष्टको संयुक्त आयोजनामा झापाको दमकमा फाइबर सिरक वितरण कार्यक्रम सम्पन्न गरिएको छ । लायन्सका संस्थापक मेल्भिन जोन्सको जन्मदिनको अवसर पारेर उक्त कार्यक्रम गरिएको थियो । जाडो मौसममा विशेष गरि विपन्न परिवारलाई आवश्यक सहयोग पुग्ने अपेक्षा छ सहित उक्त कार्यक्रमको आयोजना गरिएको थियो । दमक ९ मा रहेका करिब ५० परिवारलाई एक एक थान फाईबरको सिरक वितरण गरिएको थियो । जाडोको समयमा फाईवर सिरक पाएकोमा खुसी हुँदै स्थानीय टेक बहादुर थुलुङले भन्नु भयो सहयोग गर्नेहरु सबैलाई धन्यवाद ।
लायन्स क्लबले निरन्तर जहाँ जे आवश्यक हुन्छ त्यहाँ त्यही वितरण गर्दै आएको बतउनु हुन्छ लायन्स इन्टरनेशनल डिस्ट्रिक ३२५ सि का डिस्ट्रिक क्याबीनेट सेक्रेटरी नेत्र चौलागाई । वडा नं ९ को यो बस्तिमा सिरक वितरण कुनै राहात नभई एउटा उपहार सम्झन उहाँले अनुरोध पनि गर्नु भयो ।
सेवा र सहयोग गर्न वडा नं ९ लाई नै चुनिदिएकोमा यसै वडाका वार्ड अध्यक्ष कुवेर भट्टराईले आयोजकलाई अभार प्रकट गर्नुभयो । उहाँ भन्नु हुन्छ ‘उपहार स्वरुप प्रदान गरिएको सिरक लायन्सको लागी एउटा सानो परियोजना भएपनि उपहार पाउने परिवार र वडा नं ९ का लागी यो निकै नै ठूलो उपलब्धी रहेको छ । ’ उहाँले भन्नुभयो हेर्दा सानो सहयोग भएपनि यसले आम मानसीमा सकरात्मक प्रभाव पारेको छ ।
समुदायमा गरिने यस खाले सहयोग सानो देखिए पनि आवश्यक परेका परिवारलाई राहात प्रदान हुने गर्दछ र यस खाले सहयोग र काम लायन्स क्लबले निरन्तर गरिरहेको छ ।
