दमक, १९ फागुन । के तपाईले होली खेल्नु भयो। खेल्न त खेल्नु भयो होला तर यो पटकको होली खल्लो चाहिँ भयो होला । घर परिवारमा मात्र सिमित यो पटकको होलीले बजारमा हल्ला गराएन । हल्लारहित होली झापाको दमकमा कस्तो रहयो ।
यो महोल हेर्दा र सुन्दा यो त आजको हैन,
यो वर्षको नी हैन भन्ने तपाईलाई पक्कै लाग्यो ।
हो यो भिड अनेव यो रोमान्चक माहोल यो पटकको हैन । अघिल्लो वर्षको हो ।
यो वर्ष यस्तो कहि भएन, केही रमाईला कार्यक्रम भएन्न । किन किनकी यो पटक देश होलीको हल्लामा रमाउने भन्दा पनि चुनावको चिन्तन गरि रहेको छ । जसले गर्दा होली हल्ला रहित भयो ।
सुनसान सडक, कहि तडकबडक कहि छैन । न भिड, न डिजे साउन्ड । छ त केवल सडक भरी सुरक्षाकर्मी, छ त केवल आ आफ्नै काममा ब्यस्त मानिस । झापा दमकको सडकमा मंगलबार देखिएको दृश्य हो यो । यहाँ होलीको खास रौनक देखिएन ।
दमक ८ निवासी सुवोध चम्लाई दमक चोकमा भेटिनु भयो । दिनको करिव डेढ बजेको समयमा भेटिनुभएका चम्लाईगाई अघिल्ला वर्ष साथी सहित समुहमा होली मनाउने गर्नुहुन्थ्यो । तर यो पटक सिमित साथी र परिवारका साथमा होली मनाएको उहाले सुनाउनुभयो ।
असत्यमाथि सत्यको विजयको प्रतीक मानिने होली यो पटक नेपालमा नया सत्य र अर्को असत्यलाई पराजय गर्ने वाला छ । यो तथ्य होली किम्बदन्तीमा उल्लेख भएकोले मात्र हैन । यो तथ्यलाई पुष्टि गर्नेवाला छ आसन्न निर्वाचनले । फागुन २१ गते हुने निर्वाचनकालागी अहिले मौन अबधी छ । यो समयमा मतदाता र उम्मेदवार सबै मौन बस्ने समय हो । चिन्तन गरि असल उम्मेदवार छान्ने बारेमा सोचबिचार गर्ने बेला हो । त्यसैले यो वर्ष होली मनाउनेहरुमा होलीको उत्साह भन्दा पनि चुनावबारे नै चिन्तन गरेको भेटियो ।
दमक ५ मा अस्मीता लिम्बु,सुशीला राई र प्रियांका राई घरमै होली खेलिरहनु भएको थियो । सरकारले जारी गरेको नियमको पालना गर्दै घरमै बसी होली मनाईरहिएको अस्मिता लिम्बुको भनाई छ ।
फागुन २१ गते हुने प्रतिनिधि सभाको आसन्न निर्वाचन नजिकिँदै गर्दा जिल्लामा सुरक्षा सतर्कता बढाइएको छ। प्रशासनको आग्रहअनुसार यस वर्षको होली पनि शान्तिपूर्ण र संयमित रूपमा मनाइएको छ। सम्भावित अवाञ्छित गतिविधि नियन्त्रणका लागि बाक्लो संख्यामा सुरक्षाकर्मी परिचालन गरिएको छ भने नागरिकहरूलाई उत्सव मनाउँदा कानुन र सुरक्षाका मापदण्ड पालना गर्न अनुरोध गरिएको छ। निर्वाचनको माहोल बीच पनि सद्भाव र जिम्मेवारीका साथ होली पर्व मनाइएकोे छ।
