दमक | २ चैत्र । मध्यपूर्वमा बढ्दो तनावका कारण विश्व ऊर्जा बजार प्रभावित बनेको छ। अमेरिकी राष्ट्रपति डोनाल्ट ट्रम्प ‘स्ट्रेट अफ हर्मुज’ बाट तेल ढुवानी सुरक्षित गर्न विश्व शक्तिलाई सहयोग गर्न आह्वान गरेका छन्। खाडी क्षेत्रको महत्वपूर्ण समुद्री मार्ग ‘स्ट्रेट अफ हर्मुज’ मा तनाव बढेपछि विश्वभर इन्धन आपूर्ति प्रभावित भएको छ।
इरानले अमेरिका र इजरायलसँगको युद्धको प्रतिक्रियास्वरूप उक्त जलमार्ग हुँदै तेल ट्याङ्करको आवतजावतमा अवरोध लगाएपछि विश्व बजारमा इन्धनको मूल्य करिब ४० प्रतिशतसम्म बढेको बताइएको छ।
यसबीच अमेरिकी राष्ट्रपति डोनाल्ड ट्रम्पले चीन, फ्रान्स, जापान, दक्षिण कोरिया र बेलायतलगायत देशलाई तेल ट्याङ्कर सुरक्षित रूपमा पार गराउन जहाज पठाउन आग्रह गरेका छन्।
तर इरानले भने अन्य देशहरूलाई द्वन्द्वमा संलग्न नहुन चेतावनी दिएको छ।
इरानका विदेशमन्त्रीले फ्रान्सलाई फोन गर्दै द्वन्द्व झन् विस्तार हुन सक्ने कुनै पनि कदमबाट टाढा रहन आग्रह गरेका छन्।
यता बेन्जामिन नेतान्याहु नेतृत्वको इजरायलमाथि पनि इरानले कडा चेतावनी दिएको छ। इरानको रिभोलुसनरी गाड्र्सले नेतन्याहूलाई अपराधी घोषणा गर्दै कारबाही गर्ने चेतावनी दिएको छ।
मध्यपूर्वमा बढ्दो तनावका कारण विश्व ऊर्जा बजारमा अझै उतारचढाव हुने सम्भावना रहेको विश्लेषण गरिएको छ।
