दमक/
दमक नगरपालिका वडा नं ९ की टिका भट्टराई यहाँ रहेको त्रिभेणी महिला समुहको नेतृत्व गर्नु हुन्छ । यो समुहमा १५ जना दिदि बहिनीहरु आवद्ध हुनुहुन्छ । उहाँहरु सबैले च्याउको अचार बनाउने तालिम लिनु भएको छ ।
२ वर्ष अघी लिइएको तालीमबाट आफुहरु अचार बनाउन जान्ने भएको भट्टराईले सुनाउनु भयो । यहि बेचेर यो समुहले पहिलो पटक ४ हजार ५ सय रुपैँया समुहमा बचत पनि गरिसक्यो । यसलाई निरन्र्ता दिदै च्याउको मात्र नभएर अन्य पदार्थको पनि अचार बनाएर बेच्ने हो भने मनग्गे आम्दानी गर्न सकिने अनुभव भएको उहाँले सुनाउनु भयो ।
महिलाहरुले सामान्य सिप मात्र सिक्न पाए भने पनि आम्दानी गर्न सिपालु हुन सक्छन् । दमक ९ का महिलाहरुले अचार बनाउने तालिम लिएका छन् । छुट्टा छुट्टै समुह बनाएर लिएको तालिम अहिले उनीहरुकालागि आय आर्जनको माद्यम बनेको छ ।
बजारबाट किलेमा किनेर ल्याएको च्याउलाई रेसा रेसा बनाएर किलाउने । केलाएको त्यो च्याउलाई कपाडामा पोका बनाएर तातो पानीमा बफ्याउने । बफ्याएर निकालेको च्याउलाई घाममा सुकाउने र सबै पानी तइरिएर सुख्खा भएपछि खाने तेल र अन्य मर मसला आवश्यक मात्रामा हालेर मोलेपछि च्याउँको अचार तयार हुन्छ ।
यसरी बनाएको अचारलाई साना खाले सिसाको बट्टामा प्याक गरेर बिक्रिका लागि तयार पारिन्छ । यो काम गर्न जान्दा कमाई हुन्छ । तर अचार बनाउँदा त्यहाँ मिश्रण हुने सामाग्रीको मात्रा मिसाउन जानीएन भने खर्चपनि धेरै आउँछ र अचारपनि स्वादिलो बन्दैन । यहि वडाकी पाथीभरा महिला समुहकी अध्यक्ष गीता अधिकारीको अनुभव यस्तै छ । त्यसैले उहाँ च्याउँको मात्रै होईन अन्य परिकारका अचार पनि बनाउने तालिम समुहका सबै महिलाले सिकेर काम थाल्ने हो भने मात्रै आर्थीक रुपमा प्रगती गर्न सकिने बताउनु हुन्छ ।
दमक ९ मा महिलाहरुको १० वटा समुह छ । यी समुहमा रहेका सबै महिलाहरुलाई कुनै न कुनै सिपमा जोडिएको छ । सिपमा जोड्ने काम यहाँ रहेको शान्ती सामुदायीक सिकाई केन्द्रले गरेको छ । केन्द्रका अध्यक्ष राजु तामाङ महिलालाई आत्मनिर्भर बनाउन घरमा गृहेणीमा मात्रै सिमित रहेका महिलाहरुले गर्न सक्ने गरिका अवसर खोज्ने र त्यो अवसरमा उहाहहरुलाई अवतद्धता गराउने काम गरिएको बताउनु हुन्छ ।
महिलाहरुलाई सिप सिकाएर सिपालु बनाउन यहाँ रहेको वडा कार्यालय र दमक नगरपालिकाले आर्थीक सहयोग गर्दै आएका छन् । यस्ता आर्थीक विकास सम्बन्धीका तालिमबाट महिलाहरु आन्तमनिर्भर बनीरहेका छन् । यसले घर परिवारमा पैसाको अभावमा कारण हुने हिंसा तथा विभेदको अन्त्य भएको पनि दावी गरिएको छ ।
