बिर्तामोड, ३ असार । ‘नेपाली ब्रो’ नामले चिनिने कुमार थापाले पत्नी ईश्वरी भुजेलको हत्या गरेको विरोधमा झापामा प्रर्दशन गरिएको छ । मंगलबार राती झापाको बिर्तामोडमा प्रर्दशन गरिएको हो । यहाँ रहेकोमञ्जुश्री असहाय संरक्षण केन्द्रले विर्तामोड स्थित गोमेन्द्र चोकमामा दीप प्रज्वलन गर्दैै मृतकको आत्मा शान्तिको कामना गरिएको थियो । सो अवसरमा बोल्दै केन्द्रकी सचिव समिरा बजगाईंले नेपाली समाजमा महिलाहरु अझैपनि सुरक्षीत हुन नसकेको बताउँदै यो घटनामा संलग्न सबैलाई कडाभन्दा कडा कार्वाहिको माग समेत गर्नु भएको छ ।
मृतक भुजेल नेपाली सेनामा सुवेदार पदमा कार्यरत हुनुहुन्थ्यो । प्रारम्भिक अनुसन्धानले घरायसी विवादकै कारण हत्या भएको प्रहरी श्रोतले जनाएको छ । श्रीमन थापाले गत जेठ २२ गते राति श्रीमतीको हत्या गरेका थिए । उनलाई प्रहरीले पक्राउ गरी अनुसन्धान गरिरहेको छ ।
