दमक । ९ असोज । नेपाली कांग्रेस दमक नगर समितिको सभापतिमा युवराज खनाल (सागर) निर्वाचित हुनुभएको छ।
वर्तमान उपसभापति रहनुभएका खनाल १५औँ नगर अधिवेशनबाट सभापतिमा १६५ मतसहित निर्वाचित हुनुभएको हो।
सभापति पदमा खनालसहित तीन जना उम्मेदवार प्रतिस्पर्धामा हुनुहुन्थ्यो। निर्वाचनमा राजेन्द्र सिटौलाले १३९ मत प्राप्त गर्नुभयो भने प्रेम भट्टराईले ५९ मत प्राप्त गर्नुभयो।
यस्तै उपसभापतिमा ठाकुरहरी पोखरेल २ सय ८ मत सहित वीजयी हुनु भएको छ । उहाँका निकटतम प्रतिद्धन्दी नारायण धिमालले १ सय ३९ मत ल्याउनु भयो ।
यसैगरी सचिव पदमा यूवराज कोईराला निर्वाचीत हुनुभएको छ । उहाँले २ सय ३३ मत ल्याउँदा उहाँका प्रतिस्पर्धी लीला तिम्सिनाले १ सय ४२ मत मात्रै ल्याउनु भयो ।
र सह–सचिवमाभने निकै प्रतिस्पर्धात्मक परिणाम देखिएको छ । दुईजना उम्मेदवार रविन्द्र दाहाल र धर्मराज ढुङ्गानाबिच ५ मतको अन्तरले मात्रै बजयी हुनु भएको छ । १ सय ८४ मत ल्याएर दाहालले जीत निकाल्दा ढुङ्गेलको मत १ सय ७९ रहेको छ ।
निर्वाचन समिती संयोजक टीकारम भण्डारीका अनुसार शुक्रबार दमक–८ स्थित अर्गानिक कृषि भवनमा सम्पन्न निर्वाचनमा कुल ३८७ मत खसेको थियो।
