लकडाउन पछि फिल्म र यस अन्तर्गतका अवस्थाहरु प्राय शुन्य छन् । तर केही कलाकारहरु लकडाउनकै बीच केही चर्चामा छन् । लकडाउनकै बीच पुजा शर्मा र पल शाहले फिल्ममा काम गर्ने मजदुरहरुलाई राहत पनि वितरण गरेका थिए ।
लकडाउनकै बीचबाट नायिका पुजा शर्माले नायक पल शाहलाई आफ्नो लक्की हिरो पल भएको बताएकी छिन् । पुजा शर्मा र पल शाहले एक साथ काम गरेको पहिलो फिल्म ‘म यस्तो गीत गाउँछु’ हो । पहिलो फिल्म नै चर्चामा रहेपछि त्यसको सिक्वेल आईरहँदा पुजाले यसो भन्नु कुनै नौलो कुरा होईन ।
नायिका पुजा शर्मा मिडियामा छाईरहने नायिका मध्ये एक हुन् । आफ्नो समय सन्दर्भ जुन फिल्म आउँछ त्यहि फिल्मको कलाकारसँग उनले आफ्नो जोडीलाई चर्चामा राख्ने गरेकी छिन् । फिल्म ‘अझै पनि’देखि ‘प्रेम गीत’ होस् या अहिले ‘म यस्तो गीत गाउँछु २’ सम्म किन नहोस् ।
हरेक फिल्ममा आफ्नो को एक्टरलाई लक्की, दयालु, प्रेमील, मेरो हिट जोडी बन्नु उनको निरन्तरको फण्डा नै हो । यसो त फिल्म ‘रामकहानी’ पछि आकाश श्रेष्ठ र नायिका पुजा शर्माको प्रेम केही झाँगिएको जानकारहरु बताउँछन् ।
फिल्म सुटिङको क्रममा नजिक भएका यी जोडी वैबाहिक जीवनसम्म पुग्ने धेरैको आँकलन छ । जे होस् पुजाले अहिलेसम्म आईपुग्दा पललाई लक्की हिरोको रुपमा अघि सारेकी छिन् भने आकाशलाई आफ्नो प्रेमी । भोलीका दिन अर्को फिल्म रिलिजको संघार हुदाँ उनको लक्की हिरोहरु कति थपिने हो त्यो भने उनैलाई थाहा होला ।
https://youtu.be/Z4sEJfN-jwc
