काठमाडौँ । महानायक राजेश हमालले अभिनेत्री दीपाश्री निरौलालाई माफि दिन सबैमा आग्रह गरेका छन् । मंगलबार राती एक भिडियो सन्देश सार्वजनिक गर्दै महानायक हमालले आफ्ना फ्यानलाई भनेका छन् –‘मेरो अनुरोध छ कि, यो राष्ट्रको सिने क्षेत्रका लागि, कला क्षेत्रका लागि, मानवताका लागि अत्यन्तै सकारात्मक भएर सम्बन्धित व्यक्तिलाई माफि दिनुहोला ।’ महानायक हमालले आगामी दिनमा प्रतिक्रिया दिँदा संयमित हुनका लागि पनि आग्रह गरेका छन् ।
दर्शक आफ्ना भगवान् भएको भन्दै कलाकारहरुलाई अगाडि बढ्ने सहज वातावरण प्रदान गरिरहनुहुनेछ भन्ने आशा राखेको बताए । कलाकार र दर्शकको नगं र मासुको सम्बन्ध रहेको बताउँदै राजेशले दीपाको नाम नै उल्लेख नगरी सार्वजनिक मञ्चमा दिएको अभिब्यक्तिपछि भावुक हुँदै भने ‘दर्शकहरुलाई म हृदयदेखि नै अनुरोध गर्न चाहन्छु, कि अली फराकिलो भएर वृहत्त चित्रलाई मनन गरेर सकारात्मक हिसाबबाट मानवताको लागि कसैको मानवताको आँच नपुग्ने गरि अभिव्यक्ति प्रकट गरौ ।’
