दमक/
कोरोना विरुद्धको खोप अभियान अहिले सञ्चालन भइरहेको छ । दमक नगरपालिकामा गत १२ गतेदेखि खोप लगाउने अभियान सञ्चालन छ । यो चरणको खोप अभियान शुक्रबार सकिएको छ । ५५ वर्ष उमेर समुहभन्दा माथीका नागरिकहरुलाई खोप लगाइएको हो ।
७५ वर्ष पुग्नु भएका डिल्लीराम चौहान दमक ६ स्थित पशुपति मन्दिरको खोप केन्द्रमा खोप लगाउँदै हुनुहुन्थ्यो । कोरोना विरुद्धको खाप लगाइएन भने अव बाँच्न मुस्क्लि छ है भन्ने कुरा बुझेपछि खोप लगाउन आएको बताउनु भयो । कोरोना लाग्यो भने मरिपो हालीने हो कि भन्ने उहाँमा पीर छ । त्यसैले सरकारले कोरोना विरुद्धको निशुल्क लगाउने खोप पाउँदा उहाँ दंग पर्नु भएको छ । खोप लगाएर आफु सुरक्षीत बन्न खोप लगाउन आएको उहाँले बताउनु भयो ।
दमक ५ निवासी ८० वर्ष की चन्द्रमाया बुढाथोकी छोराको साहरामा कोरोना बिरुद्धको खोप लगाउने केन्द्रमा आउनु भएको थियो । पहिलो चरणमै खोप लगाउने पालोको उमेर समुहमा उहाँ पर्नु भएको थियो । तर त्यसबेला कोरोनाको खोप लगायो भने मरिन्छ भनेर छ। छिमेकले सुनाइदिएको उहाँले बताउनु भयो । तर अहिले चाहि यहि खोप लगाएन भने बाँच्न नसकिने रहेछ भन्ने सन्देश सुनेपछि उहाँ खोप लगाउन आएको सुनाउनु भयो ।
रञ्जदा कार्की । उहाँलाई अहिले आफु कति वर्ष भए भन्न आउँदैन । तर ९९ सालमा जन्मेको भन्ने चाहि सम्झीरहनु भएको छ । उहाँको भनाई अनुसार उहाँ अहिले उमेरले ७९ वर्ष पुग्नु भयो । दमक ५ मा रहेको दिपीनी आधारभूत विद्यालयमा खोप लगाउन आउँनु भएको थियो । उहाँ र उहाँकी बुहारी दुबैजना खोप लगाउन आउनु भएको थियो । पहिला हैजा आयो, रुघामर्की लाग्यो भन्थे । यहि रोगलाई अहिले कोरोना भन्न थालेछन् । तयसैले यो हैजा लगोस है भन्न खोप लगाउनु पर्ने उहाँले थाह पाउनु भएछ । यो खोप लगायो भने मात्रै हैजा आफुमा नआउने बुझेपछि खोप लगाउन आएको कार्कीले बताउनु भयो ।
दमकमा १२ गते देखि १५ गते शुक्रबार सम्म खोप अभियान चलयो । ये अवधिमा सम्म ५५ वर्ष उमेर माथीका ६ हजार ३ सय ८०. जना जेष्ठ नागरिकले खोप लगाएको दमक नगरपालिकाको स्वास्थ्य शाखाले जनाएको छ । शाखाका नगेन्द्र भट्टराईका अनुसार अर्को समुहका लागि भनेर शनिबार खोप तालिका सार्बजनिक भएपनि स्थगीत गरिएको छ । यस भन्दा अघि खोप लगाउन छुटेका जेष्ठ नागरिकको संख्या पनि धेरै रहेकोले खोप ५५ वर्ष उमेर माथीका नागरिकलाई मात्रै लगाएर सकिएको भट्टराईले जनानकारी दिनुभयो ।
जनसंख्याका आधरमा मात्रै खोप लगाएको भए ६ हजार ३ सय ८९ मध्ये बाट १ हजार ९ सय बढि खोप बचत रहन सक्ने अनुमान नगरपालिकाको थियो । बचत हुने सो खोप नगरभित्रका सार्वजनिक यातायातमा काम गर्ने चालक तथा सहचालक, बैदेशिक रोजगारमा जान ठिक्क परेका नागरिकलाई लगाने गरिको खोप तालिका सार्वजनिक भएको थियो । अव साउन १९ गते अमेरिकाको जोन सोन एण्ड जोनसोन खोप लगाउन सुरु गरिने पनि नगरपालिकाले जनाएको छ ।
पहिलो चरणमा ३ हजार ५ सय बढि डोज जोन सोन एण्ड जोनसोन खोप भुटानी शरणार्थी शिविरका बासिन्दालाई लगाउन खोप आएको छ । शिविरमा १८ वर्ष उमेर माथीका सबै शरणार्थीलाई खोप लगाइने । त्यसपछि नगरपालिकाले ५० वर्ष उमेर माथीका आफ्ना समुदायका नागरिकलाई खोप लगाउँदै छ । त्यसका लागि २१ गते स्वास्थ्य कार्यालय मार्फत ८ हजार बढि खोप आउने छ । यो खोप २२ गते देखि तोकिएका खोप केन्द्रबाट लगाइने नगरपालिकाको स्वास्थ्य शाखाले जनाएको छ ।
सबै तस्बिर : सुर्य तिम्सिनाले खिच्नु भएको हो ।
