दमक/
दमक नगरपालिकाले सञ्चालनमा ल्याएको कोभिड उपचार केन्द्र बेलडाँगीका सबै बेड भरिएका छन् । ३० बेडको क्षमता रहेको यो अस्पतालमा अहिले ३७ जना संक्रमित भर्ना भएका छन् ।
अस्पतालभित्र बेडको क्षमताले नधानेपछि अस्पतालकै छेउमा निर्मित आइसुलेनस सेन्टरमा संक्रमितलाई राखेर उपचार गराइरहिको कोभिड उपचार केन्द्र बेलडाँगी व्यवस्थापन समितीकी सदस्य सचिव देवि दंगालले जानकारी दिनुभयो । आइसुलेसन सेण्टर दमकका विभिन्न सामाजिक सघं-सस्थाहरुको साझेदारीमा निर्माण गरिएको हो ।
दमकका ३ अस्पतालका बेडहरु अहिले भरिन थालेका छन् । आम्दा अस्पताल दमकमा ३८ बेडमा कोरोनाको संक्रमितको उपचार गर्न छुट्याइएको छ । यसमध्ये २७ बेडमा बिरामी उपचार गराइरहेका छन् ।
यस मध्ये ४ जनाको भेण्टिलेटरमा उपचार गराइरहेका छन् । यस्तै २३ बेडको क्षमता रहेको एडभान्स अस्पतालमा १७ जना कोरोना संक्रमितले उपचार गराइरहेका छन् । यहाँ २ जना संक्रमितको भेण्टिलेटरमा राखेर उपचार गराइरहिएको छ ।
दमकका ३ वटा अस्पतालमा गरि अहिले ८० जना संक्रमितको उपचार भै रहेको छ ।
