दमक/
कोरोनाबाट बच्ने अवको सबैभन्दा अन्तिम विकल्प भनेकै खोप हो । सरकारले आफ्नो पहलबाट खोप ल्याउने काम गरिनै रहेको छ । चाहे ती खोप अनुदानका हुन वा खरिद गरिएकानै । तर खोप आउने र लगाउने काम पनि निरन्तर चलिरहेको छ ।
दमकमा पनि चरणबद्ध रुपमा कोरोना विरुद्धका खोपहरु लगाइए । नगरपालिकाको स्वास्थ्य शाखाका अनुसार ३ प्रकारका खोपहरु ५ चरणसम्म लगाइयो । २०७७ माघ देखी लगाउन सुरु गरिएको खोप अहिले पनि रनरन्तर जारी छ । अहिले बैदेशिक रोजगारमा जाने यूवाहरुलाई भिषा देखाएका आधारमा खोप लगाइरहिको छ ।
दमकमा सबैभन्दा पहिला भारतबाट आएको खोप कोभि सिल्ड लगाइयो । अघिल्लो वर्षको माग र फागुन महिनामा गरि पहिलो चरणमा १ हजार ३ सय ७७ जनालाई खोप लगाइयो । यो चरणमा जेष्ठ नागरिक, स्वास्थ्यकर्मी, सुचिकार तथा अन्य अग्रपंक्तिमा खटिएर काम गर्नेहरुलाई लगाइयो । यो पहिलो डोज थियो । २ डोज लगाउनु पर्ने यो खोप फेरि आयो । चैत्र महिनामा । अघिल्लो पटक लगाएकाहरुलाई दोस्रो डोज लगाउनु साथै जेष्ठ नागरिक, अग्रपक्तिमा खटिएर काम गर्ने कर्मचारी , जनप्रतिनिधी , पत्रकार लगायतहरुलाई प्राथमिकतामा राखेर खोप लगाइयो । त्यसबेला कुल ५ हजार ४ सय ८३ जनाले खोप लगाएका थिए ।
त्यसपछि गत जेष्ठ महिनामा चिनबाट आएको भेरो सेल खोप लगाइयो । यसपटक पनि सरकारले नै तोकको उमेर समुह र छुटेका स्वास्थ्यकर्मीहरुलाई लगाइयो । यो खोप पनि दुई डोज जै हान्नु पर्ने थियो । सोहि अनुसार पहिलो डोजका लागि आएको १ हजार ४ सय ८५ जनाले खोप लगाए ।
यसको दोस्रो डोज गत असारमा आयो र सोहि संख्याले खोप लगाए । यससँगै आएको अन्य ६ हजार ४ सय डोज खोप फेरि प्राथमिकतामा सुचिकृत भएकाहरुले लगाए । जुन खोप पनि चिनकै भेरोसेल थियो । यसको दोस्रो डोज आइपुगेको छैन ।
यसपछि एक डोज मात्रै लगाए पुग्ने जोन सोन एण्ड जोनसोन खोप पनि दमकमा आयो । यो खोप चाहि दमकमा भुटानी शरणार्थी पनि रहेकाले शरणार्थी र स्थानीय नागरिकका लागि भनेर तोकेर नै आयो ।
नगरपालिकाका अनुसार ८ हजार ९ सय ९९ बेलडाँगी शिविरका शरणार्थीका लागि आएको थियो भने २ हजार ६ सय ३४ डोज खोप स्थानीयका लागि आएको थियो । यो सहित कोरोना विरुद्धको २६ हजार ३ सय ७८ डोज खोप दमकका नागरिकले लगाइसकेका छन् । यसमध्ये कोभि सिल्ड र भेरो सेल लगाउने २ हजार ८ सय ६२ जनाले दुवै डोज लगाएका छन् ।
अब ५ हजार ४ सय ८३ जना पहिलो डोज मात्रै लगाएकाहरुले दोस्रो डोज लगाउन पाएका छैनन् । भने ६ हजार ४ सय भेरो सेल लगाएकाहरु दोस्रो डोजको खोप पर्खेर बसेका छन् । साथै दमक नगरपालिकाले भेरोसेल खोपको पहिलो डोज मात्रै लगाएकाहरुका लागि दोस्रो डोजको खोप तालिका पनि सञ्चालन गर्ने जनाएको छ ।
स्वास्श्य शाखाका अनुसार भदौ ११ गते अर्थात आगामाी शुक्रबारबाट नगरका विभिन्न वडाका खोप केन्द्रहरुबाट खोप लगाइदै छ । १० वटै वडाका १० वटा खोप केन्द्रमा भदौ १३ गते सम्म गरि ५५ वर्ष उमेर माथीका नागरिक तथा अन्तिम पटक भेरोसेल लगाएका ६ हजार ४ सय जनालाई दोस्रो मात्राको खोप लगाउने तालिका सार्वजनिक गरिएको छ ।
