दमक/
गत भदौ ११ गते जुम्लाको स्याउ झापाका फलफूल ब्यापारीले नकिदिएको उजयालो खवरमा प्रकाशन भएको थियो । हेर्दामा राम्रो नदेखिने र उपभोक्ताले नरुचाउने भन्दै झापाका ब्यापारीले थोक मुल्यमा खरिद नगरिदिएको समाचार बजाइको थियो । त्यसबेला निरास बनेर फर्केका जुम्लेली स्याउ ब्यापारी अहिले फेरि एक ट्रक स्याउ लिएर झापा नै आए । प्रकाशीत समाचारबाट उपभोक्ताले अत्याधिक माग गरेपछि जुम्लाको स्याउको स्वाद उपभोक्तालाई चखाउन ती व्यापारीहरु पूःन झापा आए । र त्यसबेला निरास बनेका ती व्यापारी यसपाली भने दंग परेका छन् ।
१५ दिन अघि हुम्लाबाट अर्गानिक स्याउ झापा ल्याउँदा टोप बहादुर शाहिको मुहारमा निरासका धर्साहरु देखिन्थे । त्यसबेला पीडा र के गर्ने होला भन्ने तनावमा देखिएको यो टोलीको मुहारमा अहिले भने खुसी छाएको छ ।
त्यसबेला व्यापारीले उपभोक्ताले मन नपाउने भनेर खरिद नगरिदिएको जुम्लाको स्याउ अहिले उपभोक्ताले नै धमाधम खरिद गरिरहेका छन् । अन्य स्याउ हेर्दामा मात्रै राम्रो तर जुम्लाको स्याउ खाँदामा राम्रो हुने विस्वासका साथ दमकका राजन लुईटेलले स्याउँको स्वाद चाख्दै एक कार्टन स्याउ किनरे लैजानु भयो ।
झापाका फलफूल व्यापारीले खरिद नगरिदिएपछि अहिले जुम्लेली स्याउ ब्यापारी उपभोक्ताको घर आगनमै पुर्याएर आफ्नो उत्पादन बेचीरहेका छन् । ब्यपाराीले मन नपाएको स्याउ उपभोक्ताले भने निकै रुचाएको ब्यापारी टोप बहादुर शाहिको भनाई छ । उहाँले झापाबासीको अत्याधिक माग बढेपछि पूःन झापा आएको प्रतिकृया दिनुभएको छ ।
अहिले यी ब्यापारीहरुले खुर्दामा बेचेर मनग्गे मुनाफा पनि गरिरहेका छन् । बोटबाट टिपन, कार्टुनमा प्याकेजीङ, दुई वटा गाडीमा लोड अनलोड गर्दैै यो स्याउ झापा आइपुग्यो । यहाँ आइपुग्दा अहिले करिव ९८ रुपैँया प्रति केजी लगानी परेको छ । खुर्दा खरिद गर्नेलाई १ सय ५० रुपैँया प्रति केजी र कार्टननै खरिद गर्नेलाई १ सय ३० रुपैँया प्रतिकेजीमा उहाँहरुले धमाधम बिक्रि गरिरहनु भएको छ । पहिलो पटक आउँदा लगानी नै डुबाएर फर्कनु परेको पीडा उहाँहरुले दोस्रो पटकमा आउँदा चाहि केहि मुनाफा पनि लिएर जान सफल भएको अर्का ब्यापारी चन्द्रनाथ योगीको भनाई छ ।
यो टोलीले अव पूःन दशैका बेलामा जुम्लाको स्याउ झापा ल्याउने जनाएको छ । उपभोक्ताले जुम्लाको उत्पादनलाई रुचाएका कारण अर्को पटकबाट त्यहाँ उत्पादन हुने मार्सि धान समेत ल्याउने योजनामा यी ब्यापारी रहेका छन् ।
