दमक/
झापाको दमक चोकबाट बेलगाँडी जाने बाटोमै पर्छ दमक फन पार्क । बेलडाँगी पुग्नु भन्दा ५ सय मिटर दक्षिण बाटैको किनार देखी दक्षीणमा पार्क निर्माण गरिएको छ । पार्कको नाम दमक फन पार्क एण्ड एग्रो टुरिजम प्रालि राखीएको छ ।
यहाँ भित्र पस्नु भन्दा अगाडी मुल गेटमा नै पानीको छहराले स्वागत गरिएको छ । पार्क भित्र प्रवेश गर्न निश्चित शुल्क तिर्नु पर्ने हुन्छ । जसको निर्धारण गरिसकिएको छैन । पार्कमा छिरेपछि विषेश गरि बालबालिकाहरुका लागि धेरै नै आकर्षक खेल तमासा रहने छन् । अन्य उमेर समुहका लागि पनि निकै मनमोहक स्थलहरु तयार पारिएको छ ।
अहिले पार्कभित्र इन्डोर क्यासोल अर्थात बालबालिकाका लागि खेल्ने खेलहरु भएको छुट्टै स्थान छ । यहाँ बालबालिकाहरुले कम्तिमा पनि २ घण्टा सम्म रमाउन सक्ने छन् । त्यसपछि सँगै रहेको मङकी क्लाइमिङपनि बालबालिकाकै लागि बनाइएको छ । यो भन्दा अगाडी बालबालिका तथा टिन एजर उमेर समुहका लागि समेत हुने गरिको कार रेस पनि राखीएको छ । इन्डोर क्यासोलको पश्चिमपट्टि बालबालिकाकै लागि साइकलिङको स्टुचु छ । यहाँ बालबालिकाहरु विभिन्न प्वालमा पसेर रमाउन सक्ने छन् । यस्तै विभिन्न आकार र प्रकारका पिङ अनी चिप्लेटिपनि बालबालिकाकै लागि तयार पारिएको छ ।
यस्तै सबै उमेर समुहको प्रमुख आकर्षकको रुपमा गोल्डेन टापु बनाइएको छ । यो टापुमा पुग्न यहाँ रहेको पोखरीमा ढुङ्गा सयर गरेर पुग्न सकिने । टापुमा विभिन्न देउताका स्टाचुहरु रहेका छन् । यी स्टाचुहरु गोल्डेन कलरको हुने छन् । यहाँ पुगेर आगन्तुकहरुले आफ्ना रोजाइमा जतिबेरनै बसेर पनि तस्बिरहरु खिच्न सक्ने छन् ।
यस्तै विद्यार्थीहरुका लागि स्थलगत अवलोकनका लागि समेत उपयोगी हुने गरि सगरमाथाको स्टाचु पनि बनाइएको छ । सगरमाथाका प्रथम आरोहि तेञ्जिङ नोर्गे सेर्पाको पनि स्टाचु छ । नेपाली झण्डा बोकेका सेर्पालाई सगरमाथाको चुचुरोमा राखीएको छ । यसबाट विद्यार्थीले सगरमाथा कसरी चढिने रहेछ भन्ने कुरा यहाँ पुगेर अवलोकन गरेपछि हेर्न सक्ने छन् ।
यस्तै झाक्रि वाटर फल पनि यहाँको आकर्षक स्थल बन्ने छ । यहाँ हाँसको चुचोबाट निरन्तर पानी झरिरहने छ भने झाक्रिको स्वरुपले नेपालमा झाक्रिको महत्व के रहेछ भन्ने पनि दर्साउने छ ।
साथै यहाँ आकर्षक पार्क , तथा मनमोहक जनावारका स्टाचुहरुले पार्कको गरिमालाई थप उच्च बनाउने छ ।
अर्को महत्वपूणर् कुरा चाहि यहाँ के भने पार्कको नजिकै दिपिनी खोलाको मुहान पर्छ । त्यसको ठिक उत्तर क्षेत्रमा पर्ने पार्कको मध्य भागमा बाहै्र महिना पानी जमिरहन्छ । सो पानीमा डुङ्गा त तैरने नै छ यसका अलवा यो पोखरीमा विभिन्न जातका पाछा पालीने छ । यी माछा पर्यटकलाई हेर्नकालागि मात्र होईन । व्यवसायीक रुपमै पनि माछा पालन गरिने छ । यसले दमकमा आवश्यक पर्ने माछाको मागलाई केहि हद भएपनि पुर्ती गर्ने विस्वास गरिएको छ ।
यतीमात्र होईन । पार्कभित्र विभिन्न जातका फूलबारी सहितको बगैचा त हुने नै छ । त्यससँगै उपभोक्ताले अधिकतम् प्रायोग गर्ने फलफूलको बगैचापनि रहने छ । ती बगैचा हेर्न मात्र हैन । व्यवसायीक रुपमै प्रयोग गरिने छ । यहाँ आपँ, लिचि, केरा तथा अन्य जातका फलफूलरु रोपीने छ । त्यहाँ उत्पादित फलफूललाई स्थानीय बजारमा बिक्रि बितरण गरिने छ । यसले दमकमा बढ्दो फलफूलको मागलाई केहि हद भएपनि पुर्ती गर्ने विस्वास गरिएको छ । त्यसैले पनि यो पार्कको नामको पछाडी एग्रो टुरिजम राखीएको हो । कृषि सम्बन्धीका योजना समेत रहेकोले हुनाले यसबाट पर्यटकहरु भित्राउनु साथै कृषि क्षेत्रमा पनि योगदान गर्न यो पार्क महत्वपूणर् बन्ने छ ।
साथै यो पार्कभित्र रेष्टुरेण्डका साथै ३ सय जना सम्म अट्ने क्षमता भएको सभा हल पनि रहेको छ । यहाँ दैनिक आफ्ना आवश्यकता अनुसरका कार्यक्रमहरु गर्न सकिने छ ।
अरु केके थपीने छन् ?
पार्कमा मौजुदा संरचना बाहेक पनि अन्य संरचना निर्माण गर्ने योजना रहेको छ । केहि समयपछि नै स्विमिङ पुल निर्माण गरिने छ । यसका लागि आवश्यक क्षेत्रफल छुट्याएर काम सुरु गरिएको छ । साथै पार्कको दक्षीण पूर्व पट्टि पार्टि प्यालेस र बाल रेल पनि निर्माण गरिने छ भने आगामी एक वर्ष भित्रमा रोप वे समेत निर्माण गरिने छ ।
कुल ६ बिगाह क्षेत्रफलमा फैलिएको यो पार्कमा सुरुवातमा १३ करोड बढिको लगानी हुने अनुमान गरिएको छ । यसपछि अन्य आवश्यकताका आधारमा अन्य संरचना थपीदै जाँदा लगानी पनि बढ्न सक्ने जनाइएको छ । पार्क निर्माणका लागि योगराज दंगाल, विप्लव दंगाल, पुष्प खनाल, किसोर खनाल , रुद्र भट्टराईलगायतको लगानी गरिरहेको छ ।
दशैमा उद्धघाटन हुने
पार्क निर्माणको काम अहिले धमाधम चलिरहेको छ । पार्कको उद्धघाटन आगामी दशैँको सुरुवात दिन अर्थात घटस्थापनाका दिन गरिने योजना रहेको छ । असोज २१ गते भव्य रुपमा उद्धघाटन गर्ने गरि धमाधम संरचना निर्माणको सम्पन्नताका लागि काम चलिरहेको छ । दँशै देखी छैट सम्म यहाँ रहेको पोखरीमा पानीका फोहोराहरुलाई म्यूजिकको तालमा नचाउने गरिको प्याकेज तयार गरिने छ । यो विषेश गरि साझँको समयमा हुने छ ।
मलेसिया स्थित क्वालालम्पपुरमा रहेको के एल सि सि टावरमा हुने वाटर फलीङकै डिजाईनमा एक महिना सम्मको प्याकेज सञ्चालन हुने संञ्चालहरुले जनाएका छन् । यो एक महिना मात्रै सञ्चालन हुने छ । यसका लागि भारतबाट लाईट सञ्चालनको सबै प्राविधिक टोलीसँग सम्झौता भइसकेको जनाइएको छ ।
सञ्चालक विप्लव दंगाल र रुद्र भट्टराईसँगको कुराकानीका आधारमा तयार पारिएको सामाग्री ।-
