मोरङ : मोरङको बेलबारीमा श्रीमानले श्रीमतीको हत्या गरेका छन् ।
बेलबारी १ नक्सालबारीका ५७ को हेमकर्ण महतले श्रीमती देवी महतलाई धारिलो हतियारले प्रहार गरी हत्या गरेको इलाका प्रहरी कार्यालय बेलबारीका प्रमुख उदय राणाले जानकारी दिए ।
बिहीबार (आज) दिउँसो १२ बजेतिर हत्या भएको प्रहरीले जनाएको छ ।
धारिलो हतियार प्रहार गर्दा टाउको तथा हातमा चोट देखिएको अनुसन्धानका क्रममा खुलेको प्रहरीले जनाएको छ ।
हेमकर्णका दुई श्रीमती थिए । देवी भने जेठी हुन् । कान्छी श्रीमती भने छुटै विराटचोकमा बस्दै आएको प्रहरीको प्रारम्भिक अनुसन्धानबाट खुलेको छ ।
हत्यामा संलग्न उनी तत्काल फरार रहेकाले खोजी कार्य भइरहेको छ । घटनाबारे थप अनुसन्धान भइरहेको प्रहरीले जनाएको छ ।
