उदयपुर : उदयपुरको कटारी नगरपालिका ४ स्थित मदन भण्डारी राजमार्गमा सवारी दुर्घटना हुँदा एकजनाको मृत्यु भएको छ । बा ५ ख ४६५३ नम्बरको ट्रिपरले प्रदेश २–०१–०१९ प ३९१५ नम्बरको मोटरसाइकललाई ठक्कर दिदाँ घाइते भएका मोटरसाइकल चालक धनपालथान गाउँपालिका ७ मोरङका २१ वर्षीय सुधीर कुमार मण्डलको उपचारको क्रममा मृत्यु भएको हो ।
उनको कटारी अस्पतालमा मृत्यु भएको प्रहरीले जनाएको छ ।
ठक्कर दिने ट्रिपर र चालक कटरी ४ का उमेश सदालाई इलाका प्रहरी कार्यालय कटारीले नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ ।
