भोजपुर / श्रीमान–श्रीमती दुवै मादक पदार्थ सेवन गरी सडकमा सुतेका बेला श्रीमती मृत अवस्थामा फेला परेकी छन् ।
भोजपुरको षडानन्द नगरपालिका १० का ३९ वर्षीय मानबहादुर राई र उनकी श्रीमती २४ वर्षीया ललिता लिम्बू मादक पदार्थ सेवन गरी सडकमा सुतिरहेको अवस्थामा फेला परेका थिए ।
स्थानीयले देखेर खबर गरेपछि पुगेको प्रहरीले ललितालाई मृत अवस्थामा फेला पारेको थियो ।
इलाका प्रहरी कार्यालय साङपाङबाट खटिएको टोलीले घटनास्थलको अवस्था बुझेर अनुसन्धान अगाडि बढाएको छ ।
श्रीमान् मानबहादुरलाई प्रहरीले निगरानीमा राखेको जनाएको छ । घटनाबारे थप अनुसन्धान भइरहेको प्रहरीले जनाएको छ ।
