दमक/
कोशी प्रदेशको नामाकरणको विषयमा भइरहेको आन्दोलनले वडा कार्यालयहरु सम्म त्यसको असर देखिन थालेको छ ।
प्रदेश र वडाको छुट्टै संरचना भएपनि आन्दोलनकारीहरुले वडा कार्यालयमा तालाबन्दी गर्न थालेका हुन ।
कोशी प्रदेश नामकरण विरुद्ध आन्दोलित संयुक्त संघर्ष समितिले आज दमक नगरपालिका वडा नं ७ को कार्यालयमा तालाबन्दी गरेका हुन ।
साथै संघर्ष समितिले वडा कार्यालयमा कालोझण्डा समेत गाडेका छन् । घोषित आन्दोलनका कार्यक्रम अन्तर्गत वडा कार्यालयमा तालाबन्दी गरिएको गठित संघर्ष समितिको भनाई छ ।
वडा कार्यालय पुगेका आन्दोलनकारीहरुले केहि बेर प्रदेश नामकरण विरुद्ध चर्का नारावाजी गरि त्यहाँको प्रवेशद्धारमा कालोझण्डा गाड्नुका साथैं वडा कार्यालयको भवनमा तालाबन्दी गरेका थिए ।
