दमक/
दमक नगरपालिकाका १५ जना महिला सदस्यहरुलाई चार दिने क्षमता विकास सम्बन्धीको तालिम आजबाट सुरु भएको छ ।
सि लिड्सले आयोजना गरेको प्रशिक्षण कार्यक्रममा दमकका १० वटै वडाबाट निर्वाचित महिला सदस्यहरुलाई सहभागीता गराइएको छ ।
महिलाहरुलाई कार्यक्रमको प्रस्तावना तयार पार्न, योजना माग गर्न, योजना बनाउन तथा त्यसको कार्यान्वायन र समाजमा त्यसले पारेको प्रभाव कस्तो छ भन्ने कुराका बारेमा अध्ययन गर्न सहज होस भनेर यस प्रकारको तालिम दिइएको सि लिड्न कार्यक्रम झापाका प्रशिक्षक सोमराज ढकालले जानकारी दिनुभयो ।
यो तालिममा प्रत्येक वडाबाट दुई/ दुई जनालाई सहभागिता गराइएको भएको पनि ५ जना महिला सदस्य भने यस अघीको निर्वाचनबाटै निर्वाचित भइसक्नु भएकोले यो प्रारम्भीक तालिममा नराखीएको सि लिड्स कार्यक्रमकी झापा संयोजक सम्झना पोखरेलले जानकारी दिनुभयो ।
अहिले ती जनप्रतिनिधीहरुलाई यस भन्दा उच्च तहको तालिम दिइरहिएको छ ।
चार दिन सम्म सञ्चालन हुने यो तालिमपछि यहाँ सहभागी भएकाहरुले नगरपालिकामा गएर अर्को तालिममो माग गर्नु पर्ने हुन्छ । त्यो कार्यक्रम कसरी माग गर्ने भन्ने बारेमा पनि यो चार दिनको अवधिमा सिकाईने पोखरेलले बताउनु भयो ।
आजको तालिम दमक नगरपालिकाका प्रमुख राम कुमार थापाले उद्धघाटन गर्नु भएको थियो ।
सि लिड्सले दमक सहित झापाका अन्य ८ वटा पालिकाका महिला सदस्यहरुको क्षमता विकास सम्बन्धी तहगत तालिम दिदै आएको छ ।
