दमक/
दमक ७ स्थित रेडक्रस भवन । अहिले सर्प दम्स उपचार भइरहेको भवनको माथील्लो तलामा सिकर्मी र डकर्मीहरुले धमाधम काम गरिरनु भएको छ । भवनका दोस्रो र तेस्रो तलामा इटा लगाएर विभिन्न वार्डहरु बनाइरहिएको छ । यहाँ पहिलो चरणमा ५६ शैयाको बालबालिबा लक्षीत विशिष्टिकृत अस्पताल निर्माणको काम धमाधम चलिरहेको छ । ५० शैयाको अस्पताल सञ्चालन गर्नका लागि स्वास्थ्य मन्त्रालयबाट स्विकृत पनि प्राप्त भइसुक्यो ।
सुरुमा ५६ शैया सञ्चालन गरिएपनि यसलाई विस्तार गरेर ९९ शैयाको अस्पताल बनाउने तयारी भइरहेको छ । यसका लागि ३० वर्ष सम्म निशुल्क भवन दिएको छ दमक स्थित रेडक्रस सोसाइटि उप शाखा दमकले । दमकमा बालबालिकाको राम्रो र सहज सुविधा होस भन्नकालगि रेडक्रसले मानवियताको दृष्टिकोणले भवन निशुल्क उपलब्ध गराएको दमक रेडक्रस सभापति प्रकाश बुढाथोकीले जानकारी दिनुभयो ।
कोरोनाको जोखिम अहिले पनि छ । पहिलो भेरियेण्ट बाट पार पाइसकेको नेपालले अहिले दोस्रो भेरियेण्टको सामाना गरिरहेको छ । लगत्तै तेस्रो भेरियेण्ट आउन सक्ने चिकित्सकले चेतावनी दिइरहेका छन् । तेस्रो भेरियेण्टमा बालबालिकामा बढि संक्रमण देखिने पनि चिकित्सकहरुले बताइरहेका छन् । अहिले नै बालबालिकाका लागि गतिलो उपचार गर्ने अस्पतालको अभाव छ ।
झन कोरोनाको तेस्रो भेरियेण्ट नै आयो भने कहाँ उपचार गर्ने ? चिन्ता बढ्दै गएको छ । तर दमकमा समयमै बाल अस्पताल बन्यो भने दमक सहित प्रदेश १ भरिका नागरिलाई सहज हुने विस्वास गरिएको छ ।
अस्पताल बनाउनका लागि दमक नगरपालिकाले नितिी तथा कार्यक्रमा बजेट नै समावेश गर्ने गरि राखीएको र अन्य बाहिरी सस्थासँगको साझेदारीमा निर्माण पनि सुरु भएकोले समयमै निर्माण सम्पन्न हुनेमा विस्वस्त हुनुहुन्छ नगरपालिकाकी उप प्रमुख गीता अधिकारी । ‘ सबैसँगको समन्वय भइरहेको छ । काम गर्ने सस्था निकै संवेदनशिल छ । सस्थाको अभियानमा नगरपालिकाको साथ र सहयोग भइरहेकोले अस्पताल निर्माणले समयमै पूणर्ता पाउँछ भन्ने विस्वास छ । ’ अधिकारीले बताउनु भयो ।
बालबालिका बिरामी भएको अवस्थामा यहाँबाट भारत लैजाने गरिएको छ । प्रदेश १ मा पहिलो पटक विशिष्ट बाल अस्पताल सञ्चालनको लागि डा. कोइरालाको समुहले निर्माण गर्ने भएको हो । यहाँ बालबालिकाकाको सबै रोगको सरल उपचार गराइने बताइएको छ ।
डा. कोइरालाका अनुसार बालबालिकाको सबै सल्यकृया, आइसियू, एनआइसियू , ,सिटी स्क्यान लगायतका सुविधा यहाँ निर्माण हुने अस्पतालमा प्राप्त हुने छ । बालबालिकाको स्वास्थ्य सुरक्षाको प्रत्याभूति दिलाउन अस्पतालले बालबालिकाको रोग सम्बन्धीका सबै शिशेषज्ञ सहितको समुह तयार पनि पारिसकेको उहाँले बताउनु भयो ।
डा. कोईरालाको समुहले सातै प्रदेशमा १/१ वटा बालबालिका लक्षीत अस्पताल खोल्ने अभियान नै सुरु गरेको छ । दमकमा स्थापना गरिदै गरिएको अस्पताल प्रदेश स्तरको हुने छ । प्रदेश १ का सबै अस्पतालहरुले बालबालिका उपचारकालागि आउँदा यहि अस्पताल जान विरामीलाई सल्लाह दिने गरिको अस्पताल निर्माण गरिने जनाइएको छ ।
यो अस्पताल जनवरी २ तारिख भित्रमा सञ्चालन गरिसक्ने गरि धमाधम काम भइरहेको छ । अस्पताल निर्माणका लागि आवश्य पर्ने सामाग्रीहरु विभिन्न दाता तथा सहयोगीहरुले पठाइरहेका छन् ।
अहिले अस्पतालका शैयाहरु बालबालिकाहरुले भरिएका छन् । मौसमी भाइरल बढेको भन्दै अस्पतालमा बिरामी बालबालिकाको संख्या बढेको चिकित्सकहरुले बताएका छन् । तर बालबालिकाका लाग उपचार गर्ने बेग्लै विशिष्टिकृत अस्पताल चाहि प्रदेश १ मै छैन ।
बालबालिकामा अलि ठुलो रोग लाग्यो भने कि त काठमाडौ कि त भारतका विभिन्न शहरमा रहेका अस्पतालहरुमा लैजानु पर्ने बाध्यता छ ।
यस्तो बाध्यतालाई सहज बनाउन अव बालबालिका लक्षीत बिशिष्टिकृत अस्पताल झापाको दमकमानै निर्माण सम्पन भएपछि यस्ता समस्याबाट पार पाइने यहाँका स्थानीयबासीहरुले बताएका छन् ।
