दमक/
दमक नगरपालिका वडा नं ५ नगरकै विकसित वडामा पर्छ । यहाँ नगरकै शिक्षीत समुदाय बस्छन् भन्ने आम बिस्वास छ । तर यही वडाका कयौ बस्तिमा अहिले सम्म पनि शुद्ध खानेपानी पुगेकै छैन । विशेष गरि यहाँका सुकुम्बासी बस्तिहरुमा शुद्ध खानेपानी पुगेकै छैन । यसले गर्दा उनीहरु अmभै सम्म पनि आर्सानिक मिसिएको खानेपानी प्रयोग गर्न बाध्य छन् ।
शुद्धखानेपानी नपुगेका कारण आर्सेनिक मिसिएको पानीलाई विभिन्न तरिकाले फिल्टर गरेर पानीको प्रयोग गरिरहेका छन् । हाते ट्यूवेलको मुखमा कपडा राखेर त कसैले माटोको भाडोमा गिटि हालेर पनि फिल्टर गरेका छन् । तर यी पनि उती सुरक्षीत र भरपर्दो चाहि नभएको उपभोक्ताहरु बताउँछन् ।
कतिपय ठाउँमा खानेपानीको पाईप पुगेको छ तर खानेपानी कार्यालयमा धरौटी राख्ने पैसा र मासिक शुल्क तिर्न नसक्ने भन्दै खानेपानी नजोडिएको पनि पाइएको छ । यस्तो ठाउँमा उनीहरुले सामुहिक खानेपानी जोडीदिन अनुरोध गरेका छन् ।
यसरी खानेपानीको अभावका भएका ठाउँमा दमक नरपालिका वडा नं ५ले स खानेपानी बिस्तार गर्ने योजना बनाएको छ । खानेपानीको पाईप पुगेको तर धरौटि बुझाउन समस्या भएका बस्तिहरुमा सामुहिक धारा जडान गर्ने र पाईप नपुगेको ठाउँमा खानेपानी कार्यालयसँग सहकार्य गरेर पाईप बिच्छाउने कामलाई पनि अघी बढाउने वडा सदस्य खड्ग बहादुर राईले बताउनु भयो ।
वडाको खानेपानीको अवस्थाको बारमा तयार पारिएको भिडियो रिपोर्ट यहाँ राखीएको छ ।
खानेपानीको समस्याको समाधानका बारेमा वडासदस्य खड्ग बहादुर राईसँग गरिएको कुराकानीको भिडियो यहाँ राखीएको छ ।
