Search
Close this search box.
"सरकारी अस्पतालको पीडा"

 

दमक/

दमक अस्पतातालिकी नर्स तथा सुचना अधिकृत देवी दंगालले एउटा आक्रोस सामाजीक सञ्जालमा पोख्नु भएको छ ।
अस्पतालबाट सेवाग्राहिले सहज सेवा नपाएको गुनासो र आक्रोस निरन्तर आइरहदा दंगालले भने अस्पतलमा बिरामी भन्दा पनि बिरामी नभइ यत्तिकै परिक्षण गराउन आएकाहरुका कारणले भीड बढेको उल्लेख गर्नु भयो ।

उहाँले प्रश्न गर्दै भन्नु भयो स्वास्थ्य बिमाको सेवा कस्तो बेला र कसले लिने हो ?‘मलाई सबै जाँच गर्न मन छ यो अस्पतालमा के के जाँच हुन्छ गर्दिनु पर्यो’ भन्दै आएर हैरान लगाउने तथा केही पनि समस्या नभएकाहरु आफै डाक्टर भएर टेष्टको लिष्ट लिएर आउनेहरुले अस्पताल भीड गरेको उहाँको भनाई छ ।

सरकारको फजुल खर्च स्वास्थ्य बिमामा भएको उल्लेख गर्दै दंगालले लेख्नु हुन्छ ‘ म सामान्य स्वास्थ्यकर्मी ,म एक असल कर्मचारी ,एक जिम्मेवार नागरिकको हैसियतले भन्दैछु कि स्वास्थ्य बिमा कार्यक्रम नराम्रो हैन तर यसको दुरुपयोग धेरै भयो ।जो बिरामी हो उसले सहज ढङ्गबाट उपचार गर्न पाएन किन भने बिरामीले भन्दा बिरामी नभएकाहरुले अस्पताल भिड गरे जसले गर्दा बिरामीहरुले समयमै सेवा लिन पाएनन ।’

स्वास्थ्य बिमाले गर्दा सबै डाक्टर झै भएर हातमा चेकअपको लिष्ट लिएर आउने र यो यो जाँच गर्न मन लाग्यो भनेर निशुल्क सेवा लिन खोज्नेका कारण अस्पतालमा भीड भएको उहाँको प्रष्टोक्ति छ । ‘के बिमा गरेको छु भन्दैमा सबै जाँच गर्नै पर्ने हो? एक पटक हैन महिनै पिछे ,अब चै यो अति भो ।’ आक्रोस हुँदै उहाँ लेख्नु हुन्छ ‘यस्तो कार्य गर्नेहरुमा समाजका बुद्धिजीवी ,धनाढ्यहरुनै छन र उनिहरुनै अस्पतालमा यो भएन उ भएन भनेर धाक लाउने गर्छ ।बिचरा साच्चै बिरामीहरु चै चुप लागेर सेवा लिई रहेका हुन्छन ।’

उहाँको स्टाटस पढ्न यहाँ  क्लिक गर्नुहोस ।

Share:

Facebook
Twitter
Email
WhatsApp