दमक/
दमक नगरपालिकाकी उप- प्रमुख रेगिना भट्टराई प्रसाई बुधबार साँझ ५ बजे पछि दमक २ स्थित आम्दा अस्पतालमा पुग्नु भयो ।
नगरपालिकाको स्वास्थ्य शाखाका कर्मचारी सहित पुग्नु भएकी उप प्रमुख भट्टराईले प्रसुती सेवा लिइरहेका केहि बिरामीसँग संवाद गर्नु भयो ।
नेपाल सरकारको सुरक्षीत मातृत्व कार्यक्रम कसरी चलिरहेको रहेछ , त्यस कार्यक्रम मार्फत पाउने सेवा सुविधाका बारेमा सेवाग्राहि कत्तिको जानकार रहेछन् र सुविधा पाउने कुरामा कत्तिको सहजता रहेछ भन्नेबारेमा उहाँले अनुगमन गर्नु भएको थियो । उहाँले यसबारेमा बिरामी र बिरामीका आफन्तसँग अस्पतालको सेवाका बारेमा प्रत्यक्ष संवाद गर्नु भएको थियो ।
यसरी संवाद गरेपछि आम्दा अस्पतालमा सुरक्षीत मातृत्व कार्यक्रम प्रभावकारी रुपमा कार्यन्वायन भइरहेको भन्दै उज्यालो खवरलाई जानकारी दिनुभयो ।
प्रतिकृया पछि अस्पतालको प्रशाषन तथा मेडिकल सुपरिडेण्डकोसग अस्पतालको समग्र अवस्था र चुनौतीका बारेमा समेत संक्षीप्त छलफल भएको थियो । सो अवसरमा अस्पतालका मेडिकल सुपरिटेण्डेण्ट डा. प्रकाश शर्माले अस्पतालमा भौतिक असुविधा भएको तथा अन्य चुनौतीका बारेमा उप प्रमुखलाई जानकारी गराउनु भएको थियो ।
यस अघी उप प्रमुख भट्टराईले आम्दा अस्पताललाई नगरले आफ्नो सम्पत्ती र दायीत्वको रुपमा स्विकार गरेको बताउँदै यहि अस्पतालमा स्वास्थ्य बिमाको प्रथम बिन्दु ल्याउन आफ्नो तहबाट पहल गर्ने प्रतिवद्धता व्यक्त गर्नुभयो ।
भिडियो रिपोर्ट हेरौ
