दमक/
स्वास्थ्य बिमा ऐन २०७४ को दफा ३ मा प्रत्येक नेपाली नागरिक स्वास्थ्य बिमा कार्यक्रममा सहभागी हुनुपर्ने व्यवस्था छ ।
राष्ट्रिय जनगणना २०७८ अनुसार नेपालको कुल जनसंख्या २ करोड ९१ लाख ४६ हजार रहेकोमा यस कार्यक्रममा २०७९ को चैत्र सम्ममा ५९ लाख ८८ हजार अर्थात २०.५३ प्रतिशत मात्रै नागरिक सहभागी भएका छन् ।
गत वर्ष सम्ममा सहभागी ४५ लाख ७२ हजार ९८९ मध्ये यो वर्ष २९ लाख ८ सय ६८ जनाले मात्रै नविकरण गरे ।यसबाट ६ अर्व ५६ करोड८० लाख प्रिमियम प्राप्त भएको र २ अर्व ४५ करोड ३७ लाख थप भइ वर्ष २०७९ सम्ममा ९ अर्व २ करोड १७ लाख रुपैँया प्राप्त भएको महालेखा परीक्षकको साठीऔँ वार्षिक प्रतिवेदनमा उल्लेख गरिएको छ ।
बिमितले स्वास्थ्य सेवा लिएको बिल भर्पाइको आधारमा बिमा बोर्डले ९ अर्व ९२ करोड ७ लाख रुपैँया गरि हाल सम्म यो कार्यक्रमका लागि २४ अर्व ३१ करोड ७१ लाख सोधभर्ना भुक्तानी दिएको छ ।
हाल सम्म बिमा योजनामा सहभागीबाट प्राप्त बिमा प्रिमियमभन्दा १५ अर्व २९ करोड ५४ लाख बढी दावी भुक्तानी भएको देखिएकोले दिगो रुपमा कार्यक्रम सञ्चालन हुन कठिनाइ भएको महालेखाको प्रतिवेदनमा उल्लेख गरिएको छ ।
