दमक/
उज्यालोको पर्व तिहार । सबैतीर छाइसक्यो । सबैले घर घरमा उज्यालो दियो बालेर र रङ्गीचङ्गी फूलले सजाएर घरलाई उज्याले बनाउने क्रम चलिरहेको छ । सास्त्रीय सिदान्त अनुसार दिपावलीमा माटोको दियोमा तोरीको तेल र बारीमा फूलेका सयपत्री तथा मखमली फूलले घर सजिनुपर्ने हो । तर अहिले यस्ता प्रकृतिक कुरा भन्दा पनि कृतिक सामाग्रीको प्रयोग बढ्दो छ । अझ उपभोक्ताले यस्तै कृतिम सामाग्री पनि पर्याप्त पाउन सकेका छैनन् ।
बजारमा निस्कले हो भने प्राकृतिक फूलहरु भन्दा प्लाष्टिकका कृतिम फूलहरुको पसलहरु बढि जस्तो देखिन्छन् । हेर्दा पनि आकर्षक हुन्छन । लामा लामा माला । एउटा किनेर लगे घरको ढोकोका चारै पाउ सम्म ढाक्छ । रङ्गी बिरङ्गी छन् । जस्तो रङ्गको लगाउछु भन्यो त्यस्तै पाइन्छ । यो टिकाउ पनि हुन्छ । बारीमा फूल्ने प्राकृतिक फूलको माला ढोकामा लगाउँदा केहि दिनमै सेकेर सकिन्छ । वा झरिजान्छ । तर प्लाष्टिककोको त केहि पनि हुँदैन भन्ने विस्वासका साथ यस्ता कृतिम मालाको प्रयोग गर्ने गरिएको उपभोक्ता प्रमोद सापकोटा बताउनु हुन्छ ।
यस्तै प्राय सबैको घर विद्युतिय बत्तीले झिलिमि भएको छ । औशीको यो रातमा पनि पुरै उज्यालो देखिन्छ । घरको धुरी देखी करिव जमिन छुने सम्मनै लावालस्कर मिलाएर तारवाला विद्युतिय बत्ती जोडीएको छ । यसले घर मात्र उज्यालो देखाएको छैन । सारा गाउँ र टोलनै उज्यालेले बलेको देखिन्छ ।
देख्दामा निकै आकर्षक हुने यो वत्तीपनि यो पटक पर्याप्त पाइएन । उपभोक्ताको माग बमोजिम ल्याउन नसकिएको ब्यापारीको भनाई छ । कोरोना कारण यो पटक उद्योगकमै कम उत्पादन भएका कारण मुल्य पनि बृद्धि भएको ब्यापारी अजय राईले बताउनु भयो ।
प्लाष्टिकका बत्ती र विद्यिुतीय यस्ता बत्ती केवल हेर्दा मात्र सुन्दर हुन । यसले उज्यालो देला तर शास्त्रीय सिदान्तका अनुसार भने यी सामाग्रीको प्रयोगको खासै अर्थ छैन । आचार्य श्री शितलकृष्ण जी महाराजका अनुसार दिपावलीमा बालीने माटोको दियो र सयपत्री फूलले विज्ञानसँग पनि अन्तरसम्बन्ध छ । यो औशीको रातमा पृथ्वि र सुर्य सबैभन्दा टाढा भएको बेला हो । यो बेलामा अत्याधिक अध्यारो हुन्छ । यो अध्यारोबाट मानव शरिरमा विभिन्न हानिकारक विकारहरु पनि छिर्न सक्छन । ती विकार तत्वलाई नास गर्न दियोमा तेल हालेर बालीएको दिपले मद्यत गर्ने भएकोले सके अनिवार्य रुपमा माटैको दिप बाल्न उहाँले सुझाव दिनु भएको छ ।
पछिल्लो समय बारीमा फूल पर्याप्त नफूलेका कारण उपभोक्ताहरुले प्लाष्टिकका फूलहलाई वैकल्पीक प्रयोगका रुपमा ल्याएका हुन भने माटोको दियो भन्दा रातभरी बाल्न सहज हुने भएका कारण विद्युतिय वत्तीको प्रयोग गरेको उपभोक्ताहरुले बताएका छन् ।
