दमक/
डा. भगवान कोईरालाको नेतृत्वमा दमकमा स्थापना भएको कि ओच बाल अस्पताललाई आर्थीक सहयोग प्राप्त भएको छ ।
अस्पताललाई कांग्रेस नेता एवं पूर्वमन्त्री डा. मिनेन्द्र रिजालले ५० लाख रुपैयाँ सहयोग प्रदान गर्नु भएको हो ।
‘माता पिताको स्मृतिमा स्थापना गरेको पुन्य श्री फाउण्डेशन मार्फत सो सहयोग प्रदलान गरेको हुँ । ’नेता रिजालले बताउनु भयो ।
आज सो रकम बराबरको चेक डा. रिजालले रतुवामाई नगरपालिकामा आयोजित एक कार्यक्रमकाबीच हस्तान्तरण गर्नु भयो ।
बाल अस्पतालका परिकल्पनाकार एवं संस्थापक समेत रहनु भएका काठमाडौं इन्स्टीच्यूट अफ चाइल्ड हेल्थका अध्यक्ष डा. भगवान कोइरालाले सो चेक ग्रहण गर्नु भएको हो ।
चेक हस्तान्तरण गर्दै डा. रिजाल भन्नु हुन्छ ‘ बालबालिकाहरूको स्वास्थ्य सेवालाई मध्यनजर गरेर सञ्चालनमा आएको दमकस्थित सो बाल अस्पताल पूर्वि क्षेत्रकै एक शान बन्न सकोस । सेवा र सुविधा अझ सहज र सरल बन्न सकुन । सुभकामना छ ।’
