दमक/
७ वर्ष अघी झापा दमककी वर्षा परियारको खुट्टा फक्चर भएर उपचार गर्न बिराट नर्सिङ होममा लगिएको थियो । १२ दिन सम्म निरन्तर उपचार गराइएपनि उहाँको उपचार सफल हुन सकेन । अर्थात उहाँलाई त्यहाँका डाक्टरहरुले बचाउनै सक्नु भएन ।
उपचार गराउने क्रममा परियार परिवारको करिव ५ लाख रुपैँया सकियो । विप्पन्न र दलित परिवारका भएका कारण त्यो बेला अस्पतालबाट लाश समेत उठाउन सक्ने अवस्था थीएन ।
चिकित्सकको लापर्वाहि र हेलचेक्राई भएका कारण आफ्नो छोरीको मृत्यू भएको भन्दै त्यसबेला मृतकका आफन्तले आपत्ती जनाएका थीए ।
बिरामीका आफन्तले आपत्ती जनाएपछि अस्पताल प्रशाषनले सो कुरा स्विकार गर्यो । माहोल सम्हाली नसक्नु भएका कारण संवेदनशिलताको अवस्था हेरेर अस्पताल प्रशाषनले मृतकका परिवारलाई केहि राहत दिने प्रतिवद्धता जनाएको थियो ।
लाश उठाउनु अघी मौखिक सहमती भएको भएपनि पछि लिखित सम्झौता समेत गरियो ।
मौखीक सम्झौतामा अस्पतालका सञ्चालक डा. ज्ञानेन्द्रमान सिहं कार्की दमककै भएका कारण दमकको एक चेलीको मृत्यू भएकोमा दुख व्यक्त गर्दै उहाँका दुई छोराहरुको पढाई खर्च बिहोरिदिने र बस्नकालागि घर समेत बनाइदिने आश्वाषन पाएको मृतक परियारकी आमा भगवती पाँचकोटीले दमकमा पत्रकार सम्मेलन गरेर जानकारी दिनुभयो ।
त्यसबेला तत्कालका आवश्यकता पुरा गर्न भन्दै एक लाख पचास हजार दिएको तर त्यस यता अन्य प्रतिवद्धता गरिएका कुनैपनि कुरा पुरा नगरेर आफुहरुलाई अन्याय गरेको भन्दै उहाँले रुँदै रुँदै बताउनु भयो ।
‘हामीलाई डा. ज्ञानेन्द्र काजीसावले बस्ने घर बनाइदिने, नातीहरुलाई पढाई खर्च दिने भनि वक्सेको थियो । तर उहाँले मलाई त्यहि डेढ लाख दिएर झारा टार्ने काम गरिवक्स्यो , म एकल महिला समेत भएकोले नातीहरु पाल्न , पढाउन नसक्ने अवस्थामा छु म निकै अन्यायमा परे ।’
आखाबाट तप तप आँशु झार्दै पाँचकोटिले भन्नु भयो ‘अव मलाई कुनै घर तथा जग्गा पनि चाहिएन । अरुसँग हात पसारेर भएपनि नातीहरुलाई पढाइरहेको छु । तर त्यसबेला बोलेको प्रतिवद्धता काजीसावले पुरा गरिदिवस्योस ’ । त्यो बराबरको रकम न्यूनतम १० लाख दिए आफु कहिलै गुनासो राख्न नआउने उहाँले पत्रकार सम्मेलनका क्रममा बताउनु भयो ।
उहाँले पाउने कुनै रकम छैन :डा. कार्की
यता अस्पतालका सञ्चालक डा. ज्ञानेन्द्रमान सिहं कार्कीले पाँचकोटिले अस्पताललाई दुहुनो गाई बनाउन खोजेको प्रतिकृया दिनु भएको छ ।
उज्यालो खवरसँग कुराकानी गर्दै डा. काकीले ‘उहाँले पाउने र त्यस बेला गरिएको सहमती अनुसारको रकम लगि सक्नु भएको छ । दुईजना छोराहरुलाई दमकको जुनसुकै विद्यालयमा भर्ना गर्नुस हामी त्यस बराबरको खर्च तिरिदिन्छौ भनेका हौ । अव हामीले गर्ने त्यो भन्दा बढि त के हुन सक्ला र ’
डा. कार्कीले आफु पनि दमककै भएको कारणले दमककै चेलीको आफ्नो अस्पतालमा उपचारका क्रममा मृत्यू हुँदा दुख लागेकोले सान्तावना स्वरुप सहयोग गरेको बताउनु भयो । तर यसलाई सँधै दुुहुनो गाई त बनाइरहनु भएन नी । उहाँले प्रश्न गर्नु भयो ।
पाँचकोटिले घटना बारेमा भएको बेलिबिस्तार र आफ्ना दुखका बारेमा पत्रकार सम्मेलनमा बोलेको कुराको भिडियो यहाँ राखीएको छ ।
